Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 2015, 26 Ганлы Нардаран Фаҹиәләриндән сонра һәбс олунан илаһијјатчылар Сејјид Елман Ағајев вә Һаҹы Зүлфүгар Микајылзадәдән јени хәбәр вардыр.
"Сејид Елман Ағајевин ишиндә јенилик јохдур вә истинтагы давам едир. Сәһһәти јахшыды , руһијјәси дә чох јүксәкдир", - бу сөзләри Исламазери.аз-а илаһијјатчы Елман Ағајевин вәкили Акиф мүәллим билдириб.
Илаһијјатчы Һаҹы Зүлфүгар Микајылзадәнин вәкили дә, мүвәккилинин сәһһәтиндә проблем олмадығыны Исламазери.аз-а мүнасибәтиндә билдириб: "Зүлфүгар Микајылзадәнин сәһһәтиндә проблем јохду, јахшыдыр, руһијјәси јухарыдыр. Һәр кәсә саламы вар."
Вәкил истинтагын давам етдијини билдирәрәк "Медиада Нардаран һадисәләрилә бағлы һәбс олунанларын истинтагынын бағланмасы хәбәрләри һәгигәтләри әкс етдирмир. Јәни; Һаҹы Зүлфүгар Микајылзадәнин истинтагы давам едир, јени бир мәлумат јохдур.", - дејә әлавә едиб.
Гејд едәк ки, Илһам Әлијевин бирбаша башчылығы илә, полисләр тәрәфиндән 26 Нојабр, 2015-дә Нардан гәсәбәсиндә төрәдилән ҹинајәт һадисәси заманы Зүлфүгар Микајылзадә Хырдаланда јерләшән бина евиндә аиләси илә бир јердә олуб. Лакин буна бахмајараг Нардаран Фаҹиәсиндән 30 дәгигә сонра ону шәхси евинә һеч бир мәһкәмә иҹазәси олмадан зоракылыгла дахил олан полисләр һәбс едибләр. Ејни ҝүндә Сејјид Елман Ағајев дә Ләнкәранда олуб. Анҹаг нәдәнсә ДИН-ји Е. Ағајеви дә, Нардаран Фаҹиәсинә гатараг барәсиндә ҹинајәт иши галдырыб. Ики ҝүн сонра исә, Ләнкәранда шәхси евинә мәһкәмә иҹазәси иолмадан зоракылыг илә дахил олан полисләр Сејид Елман Ағајеви һәбс едибләр.
Диггәт: Хәбәрдән истифадә етдикдә мәнбәјә истинад лазымдыр
