Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Үмүдүнја Мүсәлманларын Али Тәглид Мәрҹәси Ајәтуллаһ Мәкарим Ширази Әзәм Мәсҹидиндә мәрузә етдији Фигһ дәрсиндә гаршыдан ҝәлән мүбарәк Рамазан ајына тохунараг дејиб: "Мүбарәк Рамазан ајын јахынлашыр. Рамазан паклыг, тәгва, ҝүнаһларын бағышланмасы, Илаһи рәһмәт вә фәзиләт ајыдыр. Буна ҝөрә дә, бу ајдан јүксәк сәвијјәдә бәһрә апармалыјыг. Инсан заһиринә диггәт јетирдији кими батининә дә, диггәт јетириб буна вахт ајырмалыдыр. Имам Сәҹҹад (әлејһи сәлам) бу ајы һәм пак (админ: јәни мәлун шејтан бу ајда һәбсә салыныр), һәм дә пак едән (админ: јәни мәлун шејтанын һәбсә салындығы үчүн инсанын батини писликләр вә рәзиликләрдән сафлашмасы даһа чохалыр) адландырыр."
Али Тәглид Мәрҹәси мүбарәк ајда Ислами тәблиғатын ҝүҹләндирилмәсинин зәрурилијинә вә сосиал шәбәкәләрдә дүшмән гүввәсинин рәваҹ вердији фәсадлара ишарә еәдәрк дејиб: "Сосиал шәбәкәләрин фәсады һәддиндән артыг чохдур. Гәрбә мәхсус олан сосиал шәбәкәләр дүнјаны батлаға чевириб. Рамазан ајы бу јыртыҹы тәблиғатын гаршысында дајанмағымыз үчүн бир фүрсәтдир.”
Ајәтуллаһ Мәкарим Ширази даһа сонра Гәрбин дүнјаја һөкмүранлыг етмәси планына тохунараг билдириб: “Онларын (гәрблиләрин) дүшүнҹәсинә әсасән, әхлаги дәјәрләрдән узаг олан бир дүнјаны идарә етмәк даһа раһатдыр. Беләликлә онларын бу һијләсинин өнүндә дурмаг һамымыза бир вәзифәдир!"
Диггәт: Хәбәрдән истифадә етдикдә мәнбәјә истинад лазымдыр
