Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Илһам Әлијев режиминдә Шиәфобија давам едир.
Мәлуматымыза ҝөрә, режимин Нәсими Рајон Мәһкәмәсиндә “Мүсәлман Бирлији Һәрәкаты” тәшкилатын сәдр мүавини Шиә руһаниси Елчин Гасымов барәсиндә сечилмиш һәбс гәтимкан тәдбиринин мүддәтинин узадылмасы илә бағлы тәгдимата бахылыб.
Гондарма истинтаг органынын вердији тәгдимат тәмин олунуб вә Е.Гасымов барәсиндә сечилмиш һәбс гәтимкан тәдбиринин мүддәти үч ај артырылыб.
Хатырладаг ки, әлијевләр режими сионист исраил вә вәһһаби сәудијјә режимләриндән алдығы бир баша ҝөстәришә әсасән Илһам әлијевин башчылығы илә, 2015-ҹи ил, нојабрын 26-да Нардаран гәсәбәсиндә анти-Шиә әмәлијјаты һәјата кечирәрәк Азәрбајҹан Шиәләринә гаршы 21 Әсрин илк Сојгырым актыны төрәтмишдир. Јүздән чох Шиә активистләрини, дәјәрли Руһаниләрини өлкәнин мүхтәлиф бөлҝәләриндән јығараг һәбс етмишдир. Е.Гасымов исә 2015-ҹи илин нојабрын 5-дә күтләви һәбсләрә һазырлыг үнванында һәбс олунмушдур. О, гондарма Инзибати Хәталар Мәҹәлләсинин 310-ҹу (полис ишчисинин гануни тәләбинә гәсдән табе олмама) маддәсини позмагда ШӘРЛӘНӘРӘК, 30 ҝүн мүддәтинә инзибати һәбс ҹәзасы алмышдыр. Даһа сонра Нәсими Рајон Әдаләтсиз Мәһкәмәнин гәрары илә Е.Гасымов барәсиндә үч ајлыг һәбс гәтимкан тәдбири сечилмишдир.
Диггәт: Хәбәрдән истифадә етдикдә мәнбәјә истинад лазымдыр
