Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹана режим ҝүҹ структурларынын Тале Бағырова вердији ишҝәнҹәләр гардашы Елшән Бағыров вә вәкили Ҹавид Ҹавадов тәрәфиндән бир даһа тәсдигләнди.
Мәлуматымыза ҝөрә, Елшән Бағыров гардашынын һәр ҝүн сорғу суал олунараг "ишҝәнҹәләрә мәруз галдығыны" дејир. О, гардашыны сонунҹу дәфә нојабр ајында, Нардаранда сахланыланда ҝөрдүјүнү дејир.
“Она сөвгат бир дә пал-палтар апармышдым. Баш Мүтәшәккил Ҹинајәткарлыгла Мүбаризә Идарәсиндә нә гојдулар ки ҝәтирдикләрими верим, нә дә ҝөрүшүм”, дејән Елшән гардашынын сахланыларкән әјниндә олан палтарларын бу ҝүнә гәдәр бир дәфә дә олсун дәјишилмәдијини билдирир.
Вәкил Ҹавад Ҹавадов исә Талеһ Бағыровла илк дәфә декабрын 3-ү апплејасија мәһкәмәсиндә ҝөрүшәндә үзәриндә ашкар ҝөрүнән хәсарәтләрин олдуғуну дејир.
“Ҝөзләрин алты, алны гызартылы иди, әлләринин биләк һиссәсиндә ҹидди хәсарәтләр вар иди. Һисс олунмушду ки, голларыны бағлајыблар. О гандал изләринә бәнзәмирди, чүнки чох габарыг иди. Конкрет олараг хәсарәтләр ишҝәнҹә изләринә охшајырды” – дејә вәкил мүттәһимин сәрбәст һәрәкәт етмәсиндә проблем олдуғуна ҝөрә онун мәһкәмәјә “сүрүјә-сүрүјә” ҝәтирилдијини вурғулајыр.
Һәмин вахт мүттәһимлә үнсијјәт сахламасына шәраит јарадылмадығындан һүгуг мүдафиәчиси онун бу вәзијјәтинин сәбәбини 29 декабрда, Баш Мүтәшәккил Ҹинајәткарлыгла Мүбаризә Идарәсиндә мүстәнтигин иштиракы илә кечирилән ҝөрүшдә өјрәниб. Ҝөрүшдә Тале Бағыров билдириб ки, о, ағыр ишҝәнҹәләрә мәруз галыр вә бурну "сындырылыб".
Вәкил һәмчинин билдирир ки, мүттәһимлә сонунҹу дәфә ҝөрүшүндә Тале Бағыров, бу ишҝәнҹәләрин сәбәби кими “ондан етирафедиҹи вә бәзи шәхсләрин әлејһинә ифадәләр алмаг” мәгсәди дашыдығыны ачыглајыб.
Ҹавад Ҹавадов Тале Бағыровун барәсиндә 4 ајлыг һәбс гәтимкан тәдбиринин сечилмәсинә бахмајараг бу ҝүнә гәдәр онун истинтаг тәҹридханасына көчүрүлмәдијини, бунун исә һәм "Ҹинајәт-Просессуал Мәҹәлләси"нә, һәм дә "Һәбс јерләриндә сахланылан шәхсләрин һүгуг вә азадлыгларынын тәмин едилмәси һаггында Азәрбајҹан Республикасынын Гануну"на зидд олдуғуну дејир.
“24 саатдан сонра барәсиндә һәбс гәтимкан тәдбири сечилән кими ону истинтаг тәҹридханасына көчүрүлмәли идиләр. Бу ҝүнә онун орда сахланылмасынын мәгсәди гејри-инсани рәфтар, психоложи тәзјиг мәгсәди дашыјыр” –дејә вәкил бунунла бағлы мәһкәмәјә шикајәт әризәси илә мүраҹиәт етдијини билридиб.
Шикајәт әризәсиндә һәм дә Талеһ Бағыровун аиләси илә ҝөрүшмәсинә, онлардан совгат гәбул етмәсинә шәраит јарадыламамасы, зәнҝ һүгугунун - јәни, ганунда нәзәрдә тутулан һүгугуларын тәмин олунмамасы да өз әксини тапыб.
Нәсими Рајон Мәһкәмәсинә тәгдим олунан әризәјә бахыш јанварын 14-нә тәхирә салыныб.
Хатырладаг ки, Мүсәлман Бирлији Һәрәкатынын сәдри Тале Бағыров диҝәр 14 нәфәрлә бирликдә 2015, нојабрын 26-да Нардаран гәсәбәсиндә Нардаран сакинләри олан Бунјатовлар гардашларынын евиндә Зөһр вә Әср намазларыны гылдыглары заман Илһам Әлијевин бир баша нәзарәти илә кечирлән “полис әмәлијјаты” заманы ҝүллә глпәләри илә јараланараг сахланылыблар. Онлара гаршы һакимијјәти зорла әлә кечирмә, террорчулуг вә гәсдән адам өлдүрмә маддәләри үзрә иттиһамлар ирәли сүрүләрәк барәләриндә 4 ајлыг һәбс гәтимкан тәдбири сечилиб. Әмәлијјат вахты баш вермиш силаһлы гаршыдурма заманы ики полис әмәкдашы да силаһдашлары тәрәфиндән вурулараг һәлак олдуғу дејилир.
Диггәт: Хәбәрдән истифадә етдикдә мәнбәјә истинад лазымдыр
