Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ганлы 26 Нојабр Фаҹиәсиндән сонра, Азәрбајҹан Республикасына һаким кәслимиш сүлалә режиминин ҹинајәт актлары Азәрбајҹандан хариҹдә дә, кәскин сүрәтдә мәһкум едилир...
Али Тәглид Мәрҹәләри бир-бир Ганлы Нардаран Фаҹиәсинин әсас иҹраҹысы олан Илһам Әлијевә сәсләнирләр.
Азанын гадаған едилмәси, Мәсҹидләрин сөкдүрмәси, иффәтли вә намуслу гадынларын паспорт вә шәхсијјәт вәсигәси үчүн Һиҹабла шәкил чәкдирмәсини һабелә Һиҹабла тәһсил оҹагларында вә рәсми даирәләрдә иштирак етмәсинин гадаған етдирмәси, Ислам атрибутларынын һәтта Ислам тарихинин сәһнәләшдирмәсини белә гадаған етмәсинин ардынҹа Нардаран Гәсәбәсиндә ҝүнаһсыз инсанларын ганыны төкәрәк халгын Руһани вә мөмүнләрини гондарма иттиһамларла Шәрләмәсинә етираз олараг Ајәтуллаһ Ҹәфәр Сүбһани ҹәнаблары сионистләрин ојунҹағына чеврилмиш әлијевләр сүлаләсинин баш тәмсилчиси Илһам Әлијевә нәсиһәтлә долу мәктуб үнванлајыб.
Мәктубун мәтни беләдир:
Бисмиллаһир Рәһмаир Рәһим
Ҹәнаб Илһам Әлијев
Сәламун Әлејкум!
Азадлыг сөзү инсанын гулағына чатмыш ән ширин сөзләрдән биридир ки, даим инсан бу сөзү ешитмәклә һәзз алыр. Амма ондан даһа ширини исә, бу севинҹлә долу олан Азадлыг месажыны инсан өз һәјатында һисс етмәсидир. Белә олдуғу тәгдирдә бу мәнәви немәтин јерини һеч бир шеј әвәзләјә билмир.
Азәрбајҹан халгы узун илләр кечмиш ССРИ-нин истемары алтында јашајыб вә бу режимин һәр тәрәфли сыхынтыларына таб ҝәтириб. ССРИ-нин дағылмасындан сонра Азадлығын нәсим күләји бу мәнтәгәјә дә әсди вә бүтүн азәрбајҹанлыларын, Мүсәлман вә гејрисинин гәлбиндә Азадлыг руһијјәси чичәкләнди. Онлары бир-биринин кәнарында гардашлыг вә бәрабәрлик үсулу илә јашајаҹагларындан өтрү севинҹәк вә бир-бириләринин адәт вә әнәнәләринә һөрмәтлә јанашаҹагларына үмүд бәсләјирдиләр.
Лакин бизә дәгиг мәлуматлар чатыб ки, Нардаран мәнтәгәсиндә, Имам Һүсејнин (әлејһи сәлам) әзадарлыг мәрасими заманы сизин ҝөстәришиниз илә, һәрби вә полис алајлары Мүсәлман халгла зоракыҹасына рәфтар етмишдир. Нәтиҹәдә исә, бир груп Шәһид олмуш вә бир чохлары јараланмышдыр. Бу бәс дејилмиш кими һәзрәт Әлинин оғлу Имам Һүсејнин (әлејһимә сәлам) Әләм вә Бајрагларына гаршы һөрмәтсизлик олунмушдур. Доғрудан да, ҝөрәсән сүлһамиз шәраитдә Имамлара әза сахлајанларын мәрасимләринә бу ҹүр вәһшилик етмәји неҹә изаһ етмәк олар?
Бу ҝүн ҝәрәк сиз өлкәнизи һәдәләјән тәкфирчи вә террорчу групларла мүбаризә апармаг фикриндә оласыз. Бу кими ҹәрајанларла исә мүбаризәдә јалныз халг сизин көмәкчиниз ола биләр.
Сонда бүтүн бу чәтин ҝүнләр совушуб ҝедәҹәкдир. Тарих исә, бүтүн бу аҹы һадисәләри гејд едәҹәкдир. Амма сиз вә дөвләтиниз үчүн исә јердә галан ја рәһмәт ја да, башга бир шеј олаҹагдыр.
Мәним бүтүн азәрбајҹанлы гардашларымдан ки, өзүмдә онлардан биријәм истәјим будур: Сабитлијинизи горујун вә даим өз дини ајинләринизә садиг галын. О, Бөјүк Танры даим сизинләдир.
Вә мән, дини мәрасимләри кечирәркән Азадлыг уғрунда Шәһадәт шәрбәтини ичәнләрә узагдан өз саламымы чатдырырам. Онларын аилә үзүвләри вә јахынларына тәслијјәт әрз едирәм.
Сиз чох јахшы билирсиз ки, Һүсејн руһијјәси биз азәрбајҹанлыларын ганындадыр вә һеч заман Мәһәммәд (сәлләллаһу әлејһи вә алиһ) пејғәмбәр вә Онун Аиләсиндән әл чәкмәрик. Биз даим Һүсејн (әлејһи сәлам) вә Һүсејнчиләр ашигијик.
Сонда сиздән истәјирәм ки, тез бир заманда бу ишин ҹинајәткарларыны ҹәзаландырасыныз вә елә един ки, бир даһа белә үзүҹү һадисәләр баш вермәсин.
Ҹәфәр Сүбһани
Диггәт: Хәбәрдән истифадә етдикдә мәнбәјә истинад лазымдыр
