Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сионист исраил ишғалчы режимин јахын тәрәфдашы кими танынан Илһамын бир баша нәзарәти илә 26 Нојабр, 2015 тарихдә Нардаран башда олмагла өлкәнин мүхтәлиф реҝионларында һәјата кечирилән анти-Шиә әмәлијјатындан сонра Иран Ислам Республикасы бир баша бу Ганлы Фаҹиәни гынаг објектинә чевириб.
Мәлуматымыза ҝөрә, Иран Ислам Республикасынын Әрдәбил рајонунун Ислам Тәблиғат Идарәси Бакынын Нардаран гәсәбәсиндә баш верән Фаҹиә илә әлагәдар бәјанат јајараг, Шиәләрин Шәһадәтини вә күтләви сүрәтдә һәбсә алынмаларыны кәскин сүрәтдә мәһкум едиб.
Әрдәбилин Ислам Тәблиғаты Идарәси, Руһаниләр Ҹәмијјәти, Имам Ҹамаатлары, Дини Һејәтләр Шурасы, Шаирләр вә Мәддаһлар Оҹағы, Гуран Мүәссисәләри Иттифагы, Мәдәнијјәт Мәркәзләри јајдыглары бәјанатда анти-Ислам шәбәкәләрин алчаг вә рүсвајчы аддымларына, Әһли-Бејт (ә) мүгәддәсликләринин ашағыланмасы вә рүсвајчы “пантүркист сепаратчылыға”, Һәзрәт Фатимеји-Зәһраја (с.ә) һөрмәтсизлијә нифрәтини билдирмиш үнсүрләрә, мәсуллардан бу аддымын иҹрачы вә һимајәдарларынын мүһакимәси вә ҹәзаландырылмасыны тәләб етмишдир.
Бәјанатда дејилир: Сон ҝүнләрдә Азәрбајҹан полисинин атдығы аддымлар, Нардаран гәсәбәсинә вәһшиҹәсинә басгын, гадынлар вә ушаглар арасында дәһшәт јарадылмасы, ҝүнаһсыз мүсәлман азәриләрин гәтлә јетирилмәси, Фазил Мустафајев кими бәзи муздур вә шәхсијјәтсиз нүмајәндәләрин һолланд Һерт Вилдерси ҝеридә гојан бөһтан долу бәјанатлары Исламын, Шиәлијин, Мәсум Имамларын вә бүтүн мөмин Азәрбајҹан халгынын тәһгиридир. Бу аддымлар дөзүлмәздир вә бу иши ҝөрәнләр халг гаршысында мүһакимә едилмәлидир.
Азәрбајҹан халгынын дини етигадларынын ашағыландығы, Фазил Мустафајев кимиләрин, сепаратчылар вә шовинистләр бөһтан кампанијасы, инсан һагларындан дәм вуранларын бу ҹинјајәтләрә ҝөз јумдуғу шәраитдәјик.
Руһаниләр Ҹәмијјәти, Имам Ҹамаатлар, Дини Һејәтләр Шурасы, Шаирләр вә Мәддаһлар Оҹағы, Гуран Мүәссисәләри Иттифагы, мәдәнијјәт мәркәзләри азәрбајҹанлы депутатын ахмаг вә тәһгирамиз сөзләрини мәһкум едәрәк, бүтүн бејнәлхлаг тәшкилатлардан, һүгуг мүдафиә тәшкилатларындан хаһиш едирләр ки, Азәрбајҹан һөкумәтинин һимајәси илә Ислам мүгәддәсликләринин, Әһли-Бејтин (ә), мүсәлмаларын вә шиәләрин етигадларынын тәһгир олумасына ҹидди мүнасибәт билдирсинләр.
Диггәт: Хәбәрдән истифадә етдикдә мәнбәјә истинад лазымдыр
