Әһли Бејт (әлејһимус сәлам) -АБНА- Хәбәр Аҝентлији- Ислам Дини бәшәријјәтә лазым олан һәр бир саһәдә олдуғу кими көрпәнин дүнјаја ҝәлишиндән сонра ону һансы гидалар илә неҹә гидаландырылмасы һагда бизләрә чохлу билҝиләр вериб.
Бојүк Ислам Пејғәмбәри (Аллаһуиммә сәлли әла Муһәммәд вә Али Муһәммәд) бујуруб: Ушаг үчүн ана сүдүндән башга үстүн сүд јохдур.
Мәнбә: Ујуну Әхбаре Реза ҹилд. 2, сәһ. 34, һәдис. 69
Имам Ҹәфәри Садиг (әлејһи сәлам) бујуруб: Ушаға сүд вермәјин мүддәти 21 ајдыр. Әҝәр бу мүддәтдән аз ушаға сүд вериләрсә бу ушаға зүлмдүр.
Мәнбә: Усули Кафи ҹилд. 6, сәһ. 40, һәдис 3.
Лакин бүтүн бунларла јанашы бәшәријјәт бүтүн саһәләрдә олдуғу кими бу саһәдә дә, Пејғәмбәрләрин ҝөстәришләри сајәсиндә бир чох дәјәрли тәҹрүбәләр әлдә етмишдир…
Сүдәмәр ушағын јемәјини ајры биширмәк лазымдыр. Сүдәмәр ушаг азҹа бөјүјен кими (бир нечә ајдан сонра) бәзи аналар она аиләнин бөјүк үзвләри үчүн һазырланмыш хөрәкдән вермәјә башлајырлар. Бу, ушаг үчүн чох зәрәрлиди. Бөјүкләрин јемәји сүдәмәр ушагда ағыр исһал төрәдә биләр. Бу ҹүр јемәк јејән ушаглар көпмүш, солғун олурлар, онларын хәстә ҝөркәми олур. Ана ушаға "лазым олан һәр шеји" вермәсинә бахмајараг ушаг пис инкишаф едир. Бу да ананы нараһат едир. Сүдәмәр ушағын организми әзилмәмиш вә ја лазымынҹа әзилмәмиш гиданы ҹох пис һәзм едир. Бу ҹүр гида бағырсаглардан олдуғу кими хариҹ олур вә ушаг аҹ галыр. Сүдәмәр ушағын јемәјини һазырладыгда тәмизлијә фикир вермәк лазымды, чүнки бөјүкләр үчүн зәрәрсиз олан бәзи бактеријалар сүдәмәр ушагларда ағыр хәстәликләр төрәдә биләр.
Сүдәмәр ушағын габы ( каса, бошгаб, гашыг, кичик әләк, сүрткәҹ вә с.) ајры олмалыдыр. Бу габдан бөјүкләр вә ја башга ушаглар истифадә етмәмәлидирләр.
Ушағын јемәјини гыздырмаг үчүн јемәк олан габы бирбаша оҹаға гојмаг олмаз, чүнки о ҹох гызар, јахуд лазым олдуғундан чох гаты олар. Ушағын јемәји төкүлмүш касаны вә ја стәканы су төкүлмүш газана гојуб оҹагда гыздырын. Диггәтли олмаг лазымдыр ки, ичиндә јемәк олан габа газандакы судан дүшмәсин. Сүдәмәр ушағы ади ҹај гашығы (ҝүмүш тәркибли олса даһа јахшы олар) илә једиздирмәк олар.
Сүдәмәр ушаға армуду стәкандан өјрәтмәк асан олур. Алчаг, енли стәкандан ичмәк ушаг үчүн чәтиндир. Ушаг армуду стәкандан ичмәји јахшы өјрәнәнә гәдәр башга формалы стәкандан истифадә етмек лазым дејил.
Емаллы габдан да истифадә етмәк јахшыдыр. Лакин фикир вермәк лазымды ки, габын емалы гопмасын, јохса ушағын јемәјинә зәрәрли, токсики маддәләр дүшә биләр. " Сынмајан " габын башга бир гүсуру да вардыр. Бу ҹүр габ сынмадығы үчүн ушаг ону атмаға вәрдиш едир. Ушағы баша салмаг лазымдыр ки, стәкан ја касаны атмаг олмаз.
Диггәт: Хәбәрдән истифадә етдикдә мәнбәјә истинад лазымдыр
