Әһли Бејт (әлејһимус сәлам) АБНА- Хәбәр Аҝентлији-нин вердији хәбәрә әсасән, гејри гануни јолларла Әрәбистана һаким кәсилмиш Сәуд сүлаләси артыг бир нечә ајдыр ки, өлкәнин Нәҹран вә Ҹизан шәһәрләринин сүгут едәҹәјини анлајыб. Бу ҝүн исә, Јәмән Һәрби Гүввәләри илә, халг Көнүллү Дәстәләринин әкс аддымлары сајәсиндә Сәуд режиминин сәрһәд гүввәләри вә орду бөлмәләринин һәрби базалары тәрк едәрәк фәрар етмәләри нәтиҹәсиндә Сәуд падшаһынын нараһатлығы бир нечә бәрабәр артыб.
Белә ки, бу нараһатчылыг мәнтәгәдә гызышдырыҹы сијасәтләри јүрүдән Сәуд- сионист режиминә бағлы Әл Әрәбијјә ТВ каналында да, ашкара мүшаһидә олунмагдадыр.
Әл Әрәбијјә тв каналы өтән һәфтә вердији мәлуматында билдириб ки, өлкәнин һәрби гүввәләринин сәрһәд шәһәрләриндән гачараг фәрар етмәләри Сәуд режиминә гаршы бөјүк хәјанәтдир.
Әл Аләм каналынын вердији мәлыумата ҝөрә исә, Сәуд режими хариҹи өлкәләрдән сатын алмыш һәрби гүввәләри Әрәбистанын сәрһәд мәнтәгәләриндә јерләшдирәрәк, Нәҹран вә Ҹизан шәһәрләринин Јәмән Орду Бирликләри тәрәфиндән сүгут етмәсинин гаршысын алмаға чалышыр.
Әл Аләм шәбәкәси һәмчинин билдириб: “Нәҹран вә Ҹизан шәһәрләриндәки һәрби гүввәләр арасында руһи ҝәрҝинликин вә нараһад едиҹи вәзијјәтин бөјүмәси вә диҝәр шәһәрләрә јајылма тәһлүкәси Әрәбистан үчүн кабуса чеврилиб.”
Билдирәк ки, Нәҹран кәнд тәсәрүфатына вә һава лиманына малик олдуғу үчүн Әрәбистанын стратежи шәһәрләриндән бири сајылыр.
Гејд едәк ки, Нәҹран, Усејр вә Ҹизан шәһәрләри 81 ил бундан өнҹә, 1934-ҹү илә кими Јәмән әразиләриндән олмуш вә һәмин илдә Јәмән һакими илә Әрәбистанын ганунсуз падшаһы Мәлик Әбдул Әзизә верилмишдир.
Хатырладаг ки, Сәуди Әрәбистан артыг 5 ајдыр ки, АБШ вә ишғалчы сионист режими башда олмагла 9 өлкә илә коалисија јарадараг, Јәмәндә баш вермиш Халг Ингилабыны јатыртмаг мәгсәди илә, бу өлкәјә гаршы һава һүҹумларына кечиб, минләрлә ҝүнаһсыз вәтәндашын һәлак олмасына сәбәб олуб, минләрлә инфраструктурлары дағыдыб.
Диггәт: Хәбәрдән истифадә етдикдә мәнбәјә истинад лазымдыр.
