Әһли Бејт (әлејһимус сәлам) АБНА- Хәбәр Аҝентлији-нин вердији хәбәрә әсасән, Инҝилтәрәдә тәһлүкәсизлик гүввәләри, полис вә јанғын сөндүрәнләр әсассыз олараг Иран Ислам Республикасына туризим турларыны тәшкил едән фирманын машынына јохланыш кечиртмиш вә Лондон Елм Музејини тәхлијә етмишләр.
Инҝилтәрә дөвләт телевизијасы бу һагда мәлумат верәрәк билдириб ки, үзәриндә Бөјүк Иран јазылмыш машынын Лондон Елм Музеји гаршысында парк етмәси Лондон полисинин, јанғын сөндүрәнин вә тәһлүкәсизлик гүввәләринин ваһимәјә дүшмәләринә сәбәб олуб. Буна ҝөрә дә, гејд олунан гүввәләр музејин әтрафындакы хијабанлары бағлајараг музеји тәхлијә етмиш, машын әтрафына хүсуси тәјинатлы дәстәләри топламыш, машынын шүшәсини сындырараг бир саат јохланыш апармышлар.
Машынын саһиби 41 јашлы румунијалы Кристин Иван бу һагда белә билдириб: 2010-ҹу илдә Иран Ислам Республикасына сәфәр етдикдә бу өлкәјә вурулдум. Бундан сонра өз шәхси машынымла вә мәваҹибимлә бүтүн авропа өлкәләрини ҝәзәрәк Иран Ислам Республикасына туризим сәфәрләринин тәшкилини тәблиғ едирәм.
Кристин Иван билдириб: Мән аиләм илә бирликдә Лондон Елм Музејинә бахыш кечирирдик ки, музејин полис гүввәләри тәрәфиндән тәхлијә едилдијинин шаһиди олдуг. Бизи тәҹүбләндирән исә, бу евакулиасијаја сәбәбин мәһз бизим машынын үзәриндәки садә јазынын олмасы олду.
О, даһа сонра B B C каналына вердији мүсаһибәсиндә дејиб: “Гәрибәдир ҝөрәсән машынын үзәринә јазылмыш “Сүлһ Месажы” нә үчүн тәһлүкәсизлик гүввәләринин ваһимәсинә сәбәб олуб!?”
Кристин Иван һәмчинин гејд едиб ки, о полис гүввәләринин јахуд да ки, тәһлүкәсизлик әмәкдашларынын кағыз гырынтысына һадисәнин баш вермә сәбәбини јазараг онлара изаһ вермәләрини ҝөзләјиримиш лакин әфсуслар олсун ки, Лондон полиси бу һагда мәлумат вермәкдән чәкиниб.
Диггәт: Хәбәрдән истифадә етдикдә мәнбәјә истинад лазымдыр.
