Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Милли Ордусу вә Көнүллү Дәстәләрдән ибарәт Һәрби Бригадалар хариҹи вә дахили террорчу дәстәләрин әлинә дүшмүш Әл Әнбар әјаләтини ҝери алмаг үчүн ҝениш әмәлијјата башлајыб. Бу арада исә, Америка Бирләшмиш Штатлары Ираг Шиә Һизбуллаһчылары тәрәфиндән гејд олунан әмәлијјата “Ләббејк Ја Һүсүејн!” рәмзинин верилмәсинә кәскин етиразыны (!) билдириб.
Халг Күтләсиндән ибарәт Көнүллү Дәстәләр (Әл Һәшәдул Шәбијј) бу һагда ачыглама верәрәк билдириб: “Сәлаһуддин вә Әл Әнбар мәнтәгәләринин шимал бөлҝәләрини азад етмәк үчүн “Ләббејк Ја Һүсејн!” рәмзи илә ҝенишмигјаслы һәрби әмәлијјатлара башламыышыг. Бу әмәлијјатла Сәлаһуддин әјаләти там сүрәтдә дүшмән гүввәләриндән ҝери алынараг тәмизләнәҹәк.”
Көнүллү Дәстәләрдән ибарәт һејәтин сөзчүсү Әһмәд Әсәди бу һагда билдириб: “Өтән ҝүн, Чаһаршәнбә Ахшамы “Ләббејк Ја Һүсејн!” рәмзи илә башланан әмәлијјатда Ираг Тәһлүкәсизлик Гүввәләри илә Көнүллү Дәстәләри Римади шәһәрини үч бөлҝәдән мүһасирәјә ала билиб. Артыг башланан әмәлијјатларда Римади шәһәринин Һәсибә мәнтәгәси дүшмән гүввәләриндән там тәмизләниб.”
О, даһа сонра дејиб: “Ләббејк Ја Һүсејн!” рәмзи илә башланан әмәлијјатда Сәлаһуддин әјаләтиндән 4000 Көнүллү иштирак едир. Вә буну да гејд етмәлијик ки, “Ләббејк Ја Һүсејн!” әмәлијјаты “Ләббејк Ја Рәсулләллаһ!” әмәлијјатынын давамы олараг, өтән әмәлијјат (“Ләббејк Ја Рәсулләллаһ!”) заманы дүшмән әлиндән тәмизләнмәјән Сәлаһуддин вә Әл Әнбар әјаләтләринин бәзи шимал бөлҝәләрини тәмизләјәҹәк.”
Әлдә етдијимиз мәлумата ҝөрә, һазырда Римади шәһәри уғрунда гызғын дөјүшләр ҝедир. Ираг Һизбуллаһ гүввәләри артыг ИШИД адлы террор груплашмасынын Римади шәһәри илә олан әлагә јолларыны бир-бир кәсәрәк ирәлиләјирләр.”
Гејд едәк ки, Америка Бирләшмиш Штатлары исә, ады ҝедән дөјүшләрдә Ираг Шиәләринин активлијиндән ниҝәранчылыг кечиртдикәрини бирузә верибләр.
Пентагонун спикери Стив Варн бу һагда ачыглама верәрәк билдириб: “Чаршәнбә Ахшамы башланан әмәлијјата гојулан рәмз дүзҝүн дејилдир (!) вә бу мүвәффәгијјәтсиз бир әмәлијјат олаҹагдыр (!).”
Ираг Көнүллү Дәстәләрин сөзчүсү исә, бу нһагда данышдығы мәтбуат конфрансларынын бириндә белә билдириб: “Әл Әнбар әмәлијјаты чох да узун чәкмәјәҹәк. Биз сөзү ҝедән әмәлијјатда мүасир типли силаһлардан истифадә едәрәк дүшмәни (админ: АБШ вә онун ардыҹылларыны) тәҹүбләндирәҹәјик.”
Хатырладаг ки, Ираг Һизбуллаһы Иран Ислам Республикасынын Ислам Кешикчиләри Корпусу -Сепаһын Гүдс ганады тәрәфиндән јарадылараг һәрби вә логистик дәстәкләрә маликдир.
Диггәт: Хәбәрдән истифадә етдикдә мәнбәјә истинад лазымдыр
