Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ислам Ингилабынын Бөjүк Рәһбәринин мүшавири деjиб ки, Суриjа дөвләти вә халгынын мүгавимәти мүгавимәт ҹәбһәсини даһа jахшы мөвгедә гоjуб.
Ислам Ингилабынын Бөjүк Рәһбәринин беjнәлхалг мәсәләләр үзрә мүшавири Әли Әкбәр Вилаjәти бу ҝүн Ливандан Суриjанын паjтахтына jола дүшүб вә бу өлкә президенти илә ҝөрүшүб.
Вилаjәти бу ҝөрүшдә деjиб ки, Суриjа дөвләти вә халгынын мүгавимәти вә мүгавимәт ҹәбһәсинин тәjинедиҹи ролу нәтиҹәсиндә бу ҝүн Суриjа бөһранын әввәлинә нисбәтән даһа jахшы мөвгедә дуруб.
Вилаjәти билдириб ки, Суриjа 4 илдән чох мүгавимәт ҝөстәриб вә ҝүнбәҝүн онун гүдрәти артыбдыр. О, геjд едиб ки, бәзи реҝион вә реҝиондан кәнар өлкәләрин террор групларыны тәлимләндирмәк вә тәҹһиз етмәк үзрә һәрәкәтләри онларын өзләрини проблемлә үзләшдирәҹәк вә онларын реҝиона jиjәләнмәк вә бәзи өлкәләр арасында тәфригә салмаг вә һәтта онлары парчаламаг үзрә хүлjалары һеч вахт чин олмаjаҹаг.
О, Иранын һәмишә Суриjа дөвләти вә халгынын кәнарында олаҹағыны билдирәрәк, деjиб ки, реҝионун мүгавимәтли өлкәләри- Иран, Ливан, Суриjа вә Ираг тәкфирчи груплар вә реҝионда тәфригәсалма тәфәккүрләри илә мүбаризәдә галиб ҝәләҹәкләр.
Суриjа президенти Бәшшар Әсәд дә Суриjа дөвләти вә халгынын мүгавимәтини дәстәкләдикләринә ҝөрә, Ислам Ингилабынын Бөjүк Рәһбәринә, Иранын рәсмиләри вә халгына тәшәккүр едәрәк, билдириб ки, реҝионда мүгавимәт меһвәри формалашыб вә һеч кәс ону мәғлуб етмәjә гадир деjил.
Бәшшар Әсәд сөjләjиб ки, терроризм, бәзи реҝион гүдрәтләри, тәфригәсалма тәфәккүрләри вә ифратчылыг үзәриндә гәләбә Иран вә Суриjанын гәләбәсидир.
Бундан өнҹә Әли Әкбәр Вилаjәти дүнән хүсуси гонаг вә Фәләстин үчүн Ислам Дүнjасынын дин алимләринин конфрансынын бағланыш мәрасиминин натиги кими Фәләстинә Гаjыдыш үзрә Үмумдүнjа Ассамблеjасынын дәвәти илә Ливана сәфәр етмиш вә бу сәфәрдә Ливан Һизбуллаһынын баш катиби Сеjид Һәсән Нәсруллаһ, Ливан мәҹлисинин сәдри Нәбиһ Берри, баш назири Тамам Салам, Ливан Милли Азад Ҹәрәjаны Партиjасынын сәдри Мишел Оун илә ҝөрүшмүшдү.
Диггәт: Хәбәрдән истифадә етдикдә мәнбәjә истинад лазымдыр
