Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин торпагларыны ишғал етмиш исраил режиминдә нөвбәти дәфә гондарма ермәни сојгырымынын танынмасына даир чағырыш едилиб.
Мәлумата ҝөрә, ишғалчы режимин парламент спикери Јули Зделштејн ермәниләрин гондарма сојгырымыны танымаға чағырыш едиб.
Спикер һәмчинин 1915-ҹи илдә баш верән һадисәләри, өтән илин ән драматик вә гаранлыг һадисәләри кими гәләмә вериб. Бундан әввәл Исраил режиминин сабиг спикер Реувен Ривлин вә депутат Зев Елкин ермәниләрин гондарма сојгырымынын танынмасы үчүн чағырышлар етмишдиләр. Лакин Ривлин президент сечиләндән сонра Түркијә вә Азәрбајҹанла мүнасибәтләри дәринләшдирмәмәк үчүн бу тәшәббүсүндән әл чәкмишди.
Гејд едәк ки, гејрилегал Исраил режими 14 мај 1948-ҹи илдән етибарән АБШ, ССРИ, Инҝилтәрә вә диҝәр Гәрб өлкәләри тәрәфиндән рәсмән Фәләстин торпагларында “јәһуди дөвләти” кими елан едилиб. 1948-ҹи илдән бу ҝүнә кими јәһуди ишғалчы гүввәләри дәфәләрлә Мүсәлман вә христианлара гаршы күтләви сојгырым актлары һәјата кечирмишдир. Тәкҹә 2006-ҹы илдән 2014-ҹү илә кими сионист режими Ливана вә Гәззә Золағына 3 дәфә ҝенишмигјаслы мүһарибә апармышдыр.
Диггәт: Хәбәрдән истифадә етдикдә мәнбәјә истинад лазымдыр
