Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Пакистанын пајтахты Исламабадда "Ҹамаат-и Ислами Пакистан"ын дәвәти илә вә пакистанлыларын бөјүк иштиракы илә "Гәзза Јүрүшү" адлы бөјүк топланты кечирилиб.
Илк өнҹә аксијанын Исламабадын Гырмызы Бөлҝәсиндәки АБШ сәфирлији гаршысында кечирилмәси нәзәрдә тутулмушду, лакин америкапәрәст Пакистан һөкумәти әразијә ҝедән бүтүн јоллары контејнерләрлә бағладыгдан сонра Ҹамаат-и Ислами Пакистан аксијаны Експресс јолунда кечирибләр.
Митинг иштиракчылары Америка вә сионист режим әлејһинә шүарлар сәсләндирәрәк, Американын досту олан һәр кәсин хаин олдуғуну вурғулајыблар.
“Ҹамааты-Ислами Пакистан”-ын Әмири Һафиз Наим-ур-Рәһман апрелин 26-да үмуммилли тәтил елан едиб вә Пакистан халгыны Фәләстин халгына дәстәк олараг бу динҹ ҹиһад һәрәкатында ҝениш шәкилдә иштирак етмәјә чағырыб.
О, вурғулајыб: “Биз һеч кимлә тоггушмаг фикриндә дејилик, полислә дә проблемимиз јохдур, амма һеч ким јолумузу кәсә билмәз.”
Һафиз Наим Ислам өлкәләри рәһбәрләринин сусгунлуғуну тәнгид едәрәк дејиб: Биз өлкәмизә һөрмәт едирик, лакин Фәләстин вә Кәшмир халгынын јанында олмаг үчүн һөкмдарлары ајылтмаг истәјирик. Ислам халгы лагејдлик јухусуна дүшүб.
О әлавә едиб: Фәләстин мәсәләси тәкҹә сијаси мәсәлә дејил, һәм дә бизимлә дини, тарихи вә инанҹлара әсасланан әлагәјә маликдир. Пакистан јарананда Фәләстинин дә азадлығы уғрунда мүбаризә ҝедирди.
Ҹамаат-и Ислами Пакистанын әмири һәмчинин фашист Исраил режиминин малларынын вә бу режимин тәрәфдарларынын бојкотунун давам етдирилдијини вурғулајараг дејиб: Бу ембарго тәкҹә игтисади дејил, һәм дә зүлмә гаршы мүбаризә вә һүгугларын мүдафиәсидир.
О, Пакистан халгы гаршысында чыхышынын сонунда дејиб: Мән бүтүн Пәнҹаб, Синд, Бәлуҹистан, Хејбер Пахтунхва вә Ҝилҝит-Балтистанын ҹәсур халгларыны бир бајраг алтында топланмаға, мүсәлман олараг бир араја ҝәлмәјә, парчаланмалары бир кәнара гојмаға вә 26 апрел тәтилини мөһтәшәм шәкилдә кечирмәјә чағырырам.
Sizin rəyiniz