Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Мүхтәлиф тәбәгәләрдән олан минләрлә инсан чәршәнбә ҝүнү 11.12.2024-ҹү ил тарихдә Имам Хомејни һүсејнијјәсиндә Ислам Ингилабынын Али Рәһбәри Ајәтуллаһ Хаменеи илә ҝөрүшдүләр.
Бу ҝөрүшдә Ајәтуллаһ Хаменеи Гәрби Асијада баш верән һадисәләри барәдә чыхыш етди.
Имам Хаменеи һәзрәтләри Сурија мәсәләләрини планлашдыранлар барәдә белә бујурду:
"Суријада баш верән һадисәнин Америка вә сионист режимин ортаг планынын мәһсулу олмасына шүбһә едилмәмәлидир. Дүздүр ки, Суријанын гоншу өлкәләриндән бири бу зәминдә ачыг-ашкар рол ифа едир, әввәл дә едиб вә һал-һазырда да етмәкдәдир. Буну һәр кәс мүшаһидә едир. Лакин бу фитнә вә планын ән әсас амили, еләҹә дә әсас ҝөстәриш отағы Америка вә сионист режимдәдир вә бу һагда дәлилләримиз вардыр. Бу дәлилилләр инсан үчүн һеч бир шүбһә јолу гојмур".
Ингилаб Рәһбәри мүгавимәтин даһа да ҝенишләнәҹәјини гејд етди:
"Мүгавимәт вә мүгавимәт ҹәбһәси будур. Һәр нә гәдәр тәзјиг етсәниз, бир о гәдәр мөһкәмләнәҹәк вә һәр нә гәдәр ҹинајәт төрәтсәниз, бир о гәдәр јүксәк руһијјә әлдә едәҹәкдир. Онларла нә гәдәр чох дөјүшсәниз, онлар даһа да ҝенишләнәҹәкләр вә мән сизә гејд едирәм ки, Аллаһын гүдрәт вә гүввәти илә мүгавимәтин ҝенишләнмәси кечмишдәкиндән даһа артыг реҝиону әһатә едәҹәкдир".
Имам Хаменеи о надан вә ҹаһил тәһлилчинин мүгавимәти анламадығыны вурғулады:
"Мүгавимәтин мәнасыны анламајан ҹаһил тәһлилчи елә дүшүнүр ки, мүгавимәт зәифләјәрсә, Иран Ислам Республикасы да зәифләјәҹәкдир. Мән исә дејирәм ки, Аллаһын изни вә Илаһи гүдрәтлә Иран ҝүҹлүдүр, гүдрәтлидир вә даһа да гүдрәтли олаҹагдыр".
О Һәзрәт мүгавимәтин бу тәзјигләр алтында даһа да ҝенишләнәҹәјини гејд етди:
"Мүгавимәт вә мүгавимәт ҹәбһәси будур. Һәр нә гәдәр тәзјиг етсәниз, бир о гәдәр мөһкәмләнәҹәк вә һәр нә гәдәр ҹинајәт төрәтсәниз, бир о гәдәр јүксәк руһијјә әлдә едәҹәкдир. Онларла нә гәдәр чох дөјүшсәниз, онлар даһа да ҝенишләнәҹәкләр вә мән сизә гејд едирәм ки, Аллаһын гүдрәт вә гүввәти илә мүгавимәтин ҝенишләнмәси кечмишдәкиндән даһа артыг реҝиону әһатә едәҹәкдир".
Ајәтуллаһ Хаменеи Суријаја һүҹум едәнләрин һәдәфләринин нәдән ибарәт олдуғуну билдирди:
"Суријаја һүҹум едәнләрин һәр биринин ајры-ајрылыгда бир мәгсәди вардыр вә һәдәфләри мүхтәлифдир. Бәзиләри Суријанын шималы вә јахуд ҹәнубундакы мәнтәгәни әлә кечирмәк истәјирләр, Америка исә өз јерини бу реҝионда мөһкәмләтмәк ардынҹадыр".
Даһа сонра о Һәзрәт Суријанын суријалы ҝәнҹләрин әли илә азад олаҹағыны бујурду:
"Заман ҝөстәрәҹәк ки, иншаллаһ, онларын һеч бири бу һәдәфләрә чатмајаҹагдыр. Суријанын тутулмуш әразиләри Суријанын гејрәтли ҝәнҹләри тәрәфиндән азад олунаҹагдыр. Бунун баш верәҹәјинә шәккиниз олмасын. Америка да өз јерини бурада мөһкәмләндирә билмәјәҹәк вә Аллаһын төвфиги, гүдрәт вә гүввәти илә о да мүгавимәт ҹәбһәсинин әли илә реҝиондан чыхардылаҹагдыр".
Ингилаб Рәһбәри ИШИД-и әмнијјәтсизлик бомбасы адландырды вә бујурду:
"ИШИД, јәни әмнијјәтсизлик бомбасы. ИШИД Ираг, Сурија вә реҝионун тәһлүкәсизлијини арадан апармаг, даһа сонра әсас нөгтә вә сон һәдәфи олан Иран Ислам Республикасына ҝәлиб, Ислам Республикасында әмнијјәтсизлик јаратмаг мәгсәди дашыјырды. Ән әсас вә јекун һәдәф бу иди. ИШИД-ин мәнасы будур".
Мүгавимәтин Суријада иштиракындан данышан о Һәзрәт белә гејд етди:
"Гүввәләримиз ики сәбәбдән Ираг вә Суријада иштирак етдиләр. Бир сәбәб имамларын мүгәддәс зијарәтҝаһларынын горунмасы иди. Чүнки мәнәвијјатдан, дин вә имандан узаг оланлар имамларын мүгәддәс зијарәтҝаһлары илә дүшмәнчилик едирдиләр, дағытмаг фикриндә идиләр вә дағытдылар да. Самирада АБШ-ын дәстәји илә пак ҝүнбәзи дағытдылар. Сонралар һәмин бу иши Нәҹәф, Кәрбәла, Казимејн вә Дәмәшгдә ҝөрмәк истәдиләр. ИШИД-ин мәгсәди бу иди. Бәс, мәлум мәсәләдир ки, Әһли-бејт ашиги олан гејрәтли ҝәнҹ мөмин буна иҹазә вермәз".
Имам Хаменеи ИШИД-ин фитнәсинин ади олмадығыны ачыглады:
"Икинҹи сәбәб дә тәһлүкәсизлик мәсәләси иди. Рәсми мәсуллар чох тез вә анында анладылар ки, бу әмнијјәтсизлијин гаршысы реҝионда алынмаса, бураја гәдәр сирәјәт едиб бөјүк өлкәмизи бүсбүтүн шәкилдә әһатә едәҹәкдир. ИШИД-ин әмнијјәтсизлик фитнәси дә ади бир шеј дејилди".
Ајәтуллаһ Хаменеи Имам Әли әлејһиссаламдан дүшмән гаршысында мүгавимәт ҝөстәрмәк барәдә һәдис гејд етди вә бујурду:
"Әмирәлмөминин бујурду: "Өз евиндә дүшмәнлә мүбаризә апаран милләт зәлил олар, дүшмәнин евинизә гәдәр ҝәлиб чатмасына имкан вермәјин". Буна ҝөрә дә гүввәләримиз, ҝөркәмли ҝенералларымыз, әзиз шәһидимиз Сүлејмани, онун достлары вә һәмкарлары, ҝәнҹләримиз Сурија вә Ирага ҝетдиләр. Илк өнҹә Ирагда, даһа сонра Суријада оранын өз ҹаванларыны тәшкилатландырдылар, силаһландырдылар. ИШИД-ин мүгабилиндә дајандылар, ИШИД-ин белини гырдылар вә она галиб ҝәлә билдиләр".
Иранын һәрби иштиракындан данышан о Һәзрәт белә вурғулады:
"Бизим Сурија вә Ирагда һәрби иштиракымыз өз ордумузу бурадан апарыб һәмин өлкәнин ордусу илә әвәз етмәк мәнасында дејилди".
Ингилаб Рәһбәри Иранын һәрби мүшавирләринин ҝөрдүјү ишләрдән данышды вә гејд етди:
"Бизим гүввәләримизин ҝөрә биләҹәји вә ҝөрдүјү иш һәрби мүшавирлик характерли иди, мүшавирлик, јәни нә? Јәни мүһүм мәркәзи вә әсаслы гәрарҝаһларын тәшкили, стратеҝија вә тактикаларын тәјин олунмасы, зәрури һалларда дөјүш мејданына ҝирмәк вә бунларын һамысындан даһа мүһүм исә һәмин мәнтәгәнин ҹаванларыны бәсиҹ етмәк (көнүллү сәфәрбәр етмәк) иди. Әлбәттә, өз ҹаванларымызын, бәсиҹиләримизин бир чоху да әҹәлә, ешг вә исрарла ораја ҝетдиләр".
Диггәт: Лүтфән Хәбәрдән Истифадә Етдикдә Мәнбәјә Истинад Един!
