Сејид Ибраһим Рәиси "Манагуа" ингилаб мејданында "Даниел Ортеҝа" тәрәфиндән рәсми гаршыланды. О рәсми гаршылама мәрасиминдән сонра никарагуалы ҝәнҹләр гаршысында Иран Ислам Ингилабы вә Никарагуа Ингилабынын гәләбәсинин ејни вахтда олмасына вә бунларын гаршылыглы тәсиринә тохунараг, һәр ики өлкәнин империализмә гаршы мүбаризәсинин милли гәһрәманларыны еһтирамла јад едиб.
Иран Ислам Республикасы президенти Иран вә Никарагуа әлагәләрини стратежи характерли адландырыб вә әлавә едиб: Ислам Республикасы ики өлкә арасында бүтүн саһәләрдә, хүсусилә елм вә технолоҝија саһәсиндә әлагәләрин инкишафына һазырдыр.
Иранын хариҹи сијасәт доктринасы чәрчивәсиндә Латын Америкасы илә әлагәләри ҝенишләндирмәјә диггәт јетирилир вә Иранын 13-ҹү һөкумәти баланслашдырылмыш хариҹи сијасәт шүарына ујғун олараг гоншулары вә реҝион өлкәләри илә әлагәләрин ҝүҹләндирилмәси сәјләри илә ејни вахтда Латын Америкасы да дахил олмагла мүхтәлиф реҝионларда әлагәләри ҝенишләндирмәјә чалышыр.
Венесуела, Куба вә Никарагуа да дахил олмагла Латын Америкасы өлкәләринин лидерләри өз һөкумәтләринин Иранла әлагәләрини дәринләшдирмәјә үмид етдикләрини билдирибләр.
Латын Америкасында Никарагуа Иранла чох јахшы әлагәләри олан өлкәләрдән биридир вә бу өлкәнин һакимијјәт органлары һәмишә Иран Ислам Республикасы илә әлагәләрин инкишафыны алгышлајыблар. Башда АБШ олмагла, һеҝемончуларын дүшмәнчилик вә тәзјигләринә гаршы дурмаг ики өлкә арасында әлагәләр вә әмәкдашлығы дәринләшдирән амилләрдән биридир вә бу әсасда Иран вә Никарагуа бејнәлхалг гурум вә тәшкилатларда һәмишә мүсбәт вә конструктив әмәкдашлыг етмишләр.
Һазырда Сејид Ибраһим Рәиси һөкумәтиндә Латын Америкасына диггәт даһа да ҹиддиләшиб вә бу өлкәләрлә тиҹари-игтисади әмәкдашлыг иши ҝүндәмдәдир. Бунунла әлагәдар өтән илин декабрында Иран вә Никарагуа хариҹи ишләр назирләри ики өлкә арасында һәртәрәфли әмәкдашлыг сәнәди имзаладылар.
Иранын Латын Америкасы өлкәләри, о ҹүмләдән Никарагуа илә икитәрәфли әлагәләринин ҝенишләндирилмәси игтисади фајда вә Иранын тиҹарәт базарларынын шахәләндирилмәси илә јанашы, һәм дә сијаси нөгтеји-нәзәрдән вә чохтәрәфлилијин ҝүҹләндирилмәси бахымындан ваҹибдир, чүнки бу, Американын Ираны тәҹрид етмәк сијасәтини мәғлуб етмәк үчүн өнәмли аддым һесаб олунур.
Бунунла бағлы Иранын Хариҹи Ишләр Назири Һүсејн Әмир Абдуллаһиан да бејнәлхалг тәшкилатларда Иран вә Никарагуа арасында сијаси һәмрәјлијин мүсбәт ҹәһәтләринә тохунараг дејиб: тәкгүтблүјә гаршы чыхмаг ики өлкә сијасәтинин ортаг мәхрәҹидир. Латын Америкасынын имканларыны нәзәрә алараг бу өлкәләрлә әлагәләри дәринләшдирмәк иранда 13-ҹү һөкумәтин баланслашдырылмыш хариҹи сијасәтинин тәркиб һиссәсидир.
342/
