Тәшкилатын һазырладығы һесабатда билдирилир ки, Исраил әсҝәрләри 2023-ҹү илин мај ајында Гәззә золағында фәләстинлиләрә гаршы һәрби ҹинајәтләр төрәдибләр.
Гејд едәк ки, сионист режим 2023-ҹү илин мајында фәләстинлиләрә гаршы нөвбәти ганунсуз мүһарибә тәтбиг едиб. Беш ҝүн давам едән бу мүһарибәдә фәләстинлиләрә чохлу инсан тәләфаты вә мадди зијан дәјиб, әксәријјәти динҹ сакинләр, хүсусилә дә гадын вә ушаглардан ибарәт 33 фәләстинли шәһид олуб, 190-дан чох инсан исә јараланыб. Һәмчинин сионист режимин һүҹумлары заманы 56 јашајыш мәнтәгәси дағыдылыб вә 940 јашајыш мәнтәгәси зәрәр ҝөрүб.
Фәләстинлиләрин евләринин гејри-гануни вә һеч бир зәрурәт олмадан сөкүлмәси, мүлки шәхсләрин коллектив шәкилдә ҹәзаландырылмасы Бејнәлхалг Амнистија Тәшкилатынын гејд етдији ики ҹинајәтдир.
Бу һесабатда һүҹумун вахты да мүһарибә ҹинајәтинин башга бир нүмунәси олараг ҝөстәрилиб, чүнки бу һүҹумлар аиләләр евләриндә јатаркән һәјата кечирилиб. Она ҝөрә дә бу һүҹумун тәртибатчылары гәсдән динҹ сакинләри өлдүрүбләр.
Бејнәлхалг тәшкилат билдирир ки, Гәззә золағынын блокадасы дәрһал арадан галдырылмалы, бөлҝәдә иргчи ҹинајәтләр вә һәрби ҹинајәтләр төрәдәнләр бејнәлхалг һүгуг нормаларына ујғун олараг мүһакимә олунмалы вә ҹәзаландырылмалыдыр.
342/
