Сионист режимин ултра-ифратчы сијасәтчиси Авигдор Либерман үстүөртүлү шәкилдә Илһам Әлијевин мүасирлик ады алтында өз халгына гаршы репрессијалары ҝүҹләндирмәсини алгышлајыб.
"Вести" телеканалында мүсаһибә верән Кнессетин депутаты, Исраилин кечмиш малијјә вә мүдафиә назири Авигдор Либерман иддиа едиб ки, Азәрбајҹан Президенти Илһам Әлијев өз өлкәсиндә әнәнәләри вә мүасир наилијјәтләри бирләшдирир.
Сионистләрин мүсәлман вә шиә өлкәсинә хәрчәнҝвари нүфузуну тәмин етмәсиндән долајы аилә режиминә миннәтдарлығыны ифадә едән Либерман сонра дејиб: “Азәрбајҹан бир дөвләтдә өз адәт-әнәнәләринә риајәт едә вә башга халгларын адәтләринә һөрмәт едә билмәнин ҝөзәл нүмунәсидир”.
О, һәмчинин Исраиллә Азәрбајҹан арасында әлагәләрин ҝуја бөјүк тарихә малик олдуғуну гејд едиб.
“Бу, һеч дә 32 ил әввәл дипломатик мүнасибәтләрин гурулмасы илә башламајыб. Демәк олар ки, азәрбајҹанлыларла јәһудиләр арасында мүнасибәтләр узун әсрләр боју давам едир. Јәһудиләрин өзләрини бурадакы кими раһат һисс етдикләри кечмиш ССРИ-нин башга бир республикасынын адыны чәкмәк чәтиндир. Јәһудиләрә толерантлыг вә һөрмәт азәрбајҹанлыларын ганында вар”, - дејә екстремист сијасәтчи сөзләрини јекунлашдырыб.
Хатырладаг ки, Либерманын дедијиндән фәргли олараг Азәрбајҹан Республикасында һакимијјәтин сионист-пәрәст тәблиғат апармасына рәғмән Исраил апартеид режими кими гәбул олунур вә Әлијевин белә бир бәднам режимлә исти әлагәләр гурмасы гынаг објектинә чеврилиб.
Сосиал медиада ҝедән мүзакирәләрдән исә ајдын олур ки, сионистләр толерантлыг һијләси илә Азәрбајҹанын һәссас мәркәзләринә сохулдуглары үчүн ишғалчы режимдән ҝәлән тәһлүкә инсанлар арасында ҹидди тәшвиш јарадыб.
342/
