Мәрасимдә Иран вә Беларус арасында тиҹарәт, нәглијјат, кәнд тәсәррүфаты вә мәдәнијјәт саһәләриндә һәртәрәфли әмәкдашлыг үчүн јол хәритәси вә 7 диҝәр әмәкдашлыг сәнәди имзаланыб.
Иран Ислам Республикасы президенти Сејид Ибраһим Рәиси базар ертәси ҝүнү бу мәрасимдә ики өлкә арасында 30 иллик әлагәләрә вә һәртәрәфли јол хәритәсинин формалашмасына тохунараг, дејиб: "Бу һәртәрәфли јол хәритәси, шүбһәсиз ки, ҝәләҹәкдә ики өлкә арасында мүнасибәтләрин талејини мүәјјән едә биләр".
Рәиси Иранын санксијалара бахмајараг, инкишаф етдијини вурғулајараг, гејд едиб ки, Иран тәһдидләрә вә санксијалара бахмајараг, бу мүддәт әрзиндә бөјүк ирәлиләјиш әлдә едә билиб вә санксијалары фүрсәтә чевириб. Иран санксијаларла бағлы тәҹрүбәләрини дост өлкә Беларусла бөлүшмәјә һазырдыр.
Иран Ислам Республикасы президенти һәмчинин, Иранын бејнәлхалг аренада биртәрәфли сијасәтләрә гаршы олдуғуну билдириб вә вурғулајыб: "Иран вә Беларус биртәрәфлилијә гаршыдыр вә биз инанырыг ки, мүстәгил өлкәләр арасында јахшы мүнасибәтләр ола биләр вә бу, санксијаларын нејтраллашдырылмасына, еләҹә дә өлкәләр вә халгларын тәрәггисинә сәбәб ола биләр.
Беларус президенти Александр Лукашенко да өз нөвбәсиндә иранлы һәмкарына ону гәбул етдијинә ҝөрә тәшәккүр едәрәк, дејиб: "Биз сонунҹу дәфә 17 ил әввәл Теһрана рәсми сәфәр етмишик; Етираф етмәлијәм ки, нә санксијалар, нә дә тәзјигләр Иран халгынын тәрәггисинә мане олмајыб вә мүстәгил вә ҝүҹлү Иранын јолуна давам етдији бир һәгигәтдир".
О, ики өлкә арасында имзаланмыш анлашма меморандумларына да тохунараг, јухарыда гејд олунан сазишләрин һәјата кечирилмәси илә ики өлкә арасында тиҹарәт мүбадиләсинин һәҹминин 100 милјон доллара чатаҹағына үмид етдијини билдириб.
Беларус президенти санксијаларын өлкәләрин инкишафындакы ролу илә бағлы дејиб: "Санксијалар фүрсәтдир вә ики өлкә бу фүрсәтләри әлдән вермәмәлидир".
342/
