Русија Хариҹи Ишләр Назирлијинин Бејнәлхалг Тәшкилатлар Департаментинин директору Пјотр Иличев билдириб ки, Дағлыг Гарабағда Русија сүлһмәрамлыларына Бирләшмиш Милләтләр Тәшкилатынын мандатыны вермәјә еһтијаҹ јохдур.
РИА Новости-јә ачыглама верән һөкумәт рәсмиси дерјиб: “Дағлыг Гарабағ мүнагишәси зонасында сабитлијин сахланмасынын јеҝанә гаранты Русија сүлһмәрамлы континҝенти олараг галыр. Она БМТ-нин мандатыны вермәјә ҝәрәк јохдур, чүнки сүлһмәрамлыларымызын фәалијјәти Русија, Азәрбајҹан вә Ермәнистан лидерләринин 9 нојабр 2020-ҹи ил тарихли илк үчтәрәфли бәјанатында ајдын шәкилдә әксини тапыб. Бунунла бағлы мүбаһисә иштиракчылары арасында консенсус мүшаһидә олунур вә бу факт бурада әсас характер дашыјыр”.
Дипломат гејд едиб ки, Русија сүлһмәрамлыларынын фәалијјәти һәм Бакыда, һәм дә Ирәванда дәстәкләнир. Бу исә әразинин јекун статусунун гејри-мүәјјәнлији шәраитиндә мүһүм әһәмијјәт кәсб едир.
342/
