ҹүмә ҝүнү Бакы Апеллјасија Мәһкәмәси Ҹинајәт Мәҹәлләсинин 234-ҹү маддәсилә (наркотик васитәләрин ганунсуз дөвријјәси) иттиһам олунан Шаһин Гәдирлинин һәбсиндән шикајәти тәмин етмәјиб.
Онун вәкили Зибејдә Садыгова Туран-а билдириб ки, истинтагын мәлуматына ҝөрә, ондан 7 грам метамфетамин ашкар едилиб. Гәдирли иттиһамы рәдд едиб.
Вәкил иттиһамын әсассыз олдуғуну гејд едиб. Ишдә иддиа олунур ки, Гәдирли наркотик маддәни “сатыш мәгсәдилә” әлдә едиб, лакин онун наркотик маддә алверилә мәшғул олмасына даир һеч бир сүбут јохдур.
Вәкил ону да гејд едиб ки, Гәдирли сахланыландан сонра доғмалары илә әлагә сахламасына, өз сечдији вәкили дәвәт етмәсинә имкан верилмәјиб.
Гәдирли һазырда Дөвләт Тәһлүкәсизлији Хидмәтинин Истинтаг Тәҹридханасында сахланылыр.
Вәкил гејд едиб ки, наркотик маддәләрлә бағлы ҹинајәт ишләринин истинтагы Дөвләт Тәһлүкәсизлији Хидмәтинин јох, полисин сәлаһијјәтинә дахилдир.
Өтән илләрин тәҹрүбәси ҝөстәрир ки, аилә режими ҹәмијјәт арасында нүфузу олан инсанлары сусдурмаг үчүн адәтән шәрләјир вә мәһкәмәләр онларын һаггында сифаришли һөкмләр чыхарыр.
342/
