Өлкәси әввәлки нүвә сазиши данышыгларында вә Ирана гаршы санксијаларын ләғви илә бағлы апарылан сон Вјана данышыгларында пис полис ролуну ојнајан Франса президенти Еммануел Макрон бир даһа Теһрана гаршы әсассыз иддиаларыны тәкрарлајыб.
Макрон "Әл-Һәдәс" канали илә мүсаһибәдә Иранын тәһдидләринин реҝионал мигјасдан артыг олдуғуну иддиа едиб вә әлавә едиб: "Биз Иранын дүнјадакы тәһдидләринә гаршы мүбаризә тәрзимизи дәјишмәлијик".
Чәршәнбә ҝүнү Мисирин Шәрм Әш-Шејх шәһәриндә кечирилән иглим конфрансы чәрчивәсиндә апарылан вә Әл-Әрәбијјә каналындан јајымланан бу мүсаһибәдә о, дејиб: "Иран тәһдидләри илә мүбаризә апармаг үчүн мүтәшәккил шәкилдә чалышмалыјыг".
Буна әсасән, Франса президенти илк мәгсәди халгын һәјаты вә ҝүзәраны олан санксијалара гаршы иранлылары дәстәкләмәк жести илә чыхыш едәрәк, иддиа едиб ки, Иран халгынын санксијалардан тәсирләнмәмәси тәмин едилмәлидир.
Диҝәр тәрәфдән Алманија һөкумәтинин сөзчүсү базар ертәси билдириб ки, јени санксијалар пакетинин тәтбиги үзәриндә иш ҝедир.
Бундан әввәл Франса президенти Бенјамин Нетанјаһуну Кнессет сечкиләриндә гәләбәси мүнасибәтилә тәбрик едиб вә икитәрәфли мәсәләләри вә Ираны мүзакирә етмәк үчүн ону Парисә дәвәт едиб.
342/
