бәјанатда дејилир:“Азәрбајҹан-Ермәнистан мүнасибәтләринин һәртәрәфли нормаллашмасы, Ҹәнуби Гафгазда сүлһүн, сабитлијин, тәһлүкәсизлијин вә давамлы игтисади инкишафын тәмин едилмәси мараглары наминә јухарыда бундан әввәлки сазишләрә ҹидди әмәл етмәјә садиг олдуғумуз тәсдиг етдик.
Биз һуманитар мәсәләләр блоку да дахил олмагла, галан вәзифәләрин тәҹили һәллинә јөнәлмиш әлавә сәјләр ҝөстәрмәјә разылашдыг”.
Бәјанатда Русија сүлһмәрамлы континҝентинин јерләшдији зонада тәһлүкәсизлијин тәмин едилмәсинә әсас төһфәси гејд едилиб, онун реҝионда вәзијјәтин сабитләшдирилмәси истигамәтиндә сәјләринин актуаллығы вурғуланыр.
“Биз ҝүҹ тәтбиг етмәкдән вә ја онун тәтбиги илә һәдәләмәкдән чәкинмәјә, бүтүн проблемли мәсәләләри јалныз БМТ Низамнамәсинә вә 1991-ҹи илин Алма-Ата бәјаннамәсинә ујғун олараг суверенлијин, әрази бүтөвлүјүнүн вә сәрһәдләрин тохунулмазлығынын гаршылыглы танынмасы әсасында мүзакирә вә һәлл етмәјә разылашдыг.
Реҝионда давамлы вә узунмүддәтли сүлһә наил олмаг үчүн Азәрбајҹан Республикасы илә Ермәнистан Республикасы арасында сүлһ мүгавиләсинин бағланмасына актив һазырлығын ваҹиблијини вурғуладыг. Мөвҹуд ишләнилмәләр әсасында гаршылыглы мәгбул һәлл јолларынын ахтарышынын давам етдирилмәси разылашдырылыб. Русија Федерасијасы буна һәр ҹүр көмәк ҝөстәрәҹәк".
Азәрбајҹан Республикасы вә Ермәнистан Республикасынын лидерләри Русија Федерасијасынын Азәрбајҹан Республикасы илә Ермәнистан Республикасы арасында мүнасибәтләрин нормаллашмасына, Ҹәнуби Гафгазда сабитлијин вә рифаһын тәмин едилмәсинә бундан сонра да һәр ҹүр төһфә вермәјә һазыр олдуғуну алгышладылар”.
342/
