"Мән мүбаризә әһлијәм вә мејданы бошалтмајаҹағам" дејән Инҝилтәрәнин баш назири вә һаким мүһафизәкарлар партијасынын лидери Лиз Трассын тәкҹә бир ҝүн сонра гәһәрлә өз истефасыны елан етди. Бу Инҝилтәрә баш назирләринин сон алты илдә дөрдүнҹү ардыҹыл истефасы олду
"Мән мүәјјән етдим ки, шәраитә әсасән, мүһафизәкарлар партијасынын нәзәрдә тутдуғу һәдәфләри јеринә јетирә билмәрәм. Буна ҝөрә, өлкәнин кралы илә данышдым вә она билдирдим ки, мүһафизәкарлар партијасынын лидерлијиндән истефа верәҹәјәм."- Лиз Трасс дејиб.
Бу истефаны тәһлил етмәк үчүн үч һәфтә бундан өнҹәјә мүраҹиәт етмәк лазымдыр.
Бүдҹәјә дүзәлиш барәдә мәлуматын тәгдим олунмасы илә партијанын дахили вә хариҹиндә ҝениш ихилафлара ҝәтириб чыхараркән Лиз Трасс өз малијјә назирини кәнарлашдырмаға мәҹбур олду. Ондан бир һәфтәдән аз бир мүддәтдә дә онун дахили ишләр назири истефа верди. Бунунла бир заманда парламентдә Лиз Трассын сијасәтләрилә мүхалифәтләр дә јүксәлди.
Мүһафизәкарлар партијасынын лидерлик мәсәләсинә бахан бу партијанын 22-19 комитәсинин сәдри Граһам Бради чаш-башлығын шиддәтләнмәсинин гаршыны алмаг үчүн дәрһал мөвге тутду:
"Мән мүһафизәкарлар партијасынын сәдри Ҹејк Берри илә сөһбәт етдим. О, тәсдиг етди ки, ҝәлән һәфтә, ҹүмә ҝүнү сечкиләрин кечирилмәсилә партијанын јени лидерини тәгдим етмәк олар."
Инҝилтәрәнин бу өлкәнин Авропа Бирлијиндән чыхмасындан ирәли ҝәлән хејли сајда бөһран, јашајыш хәрҹләринин мисли ҝөрүнмәмиш тәрздә артмасы, хүсусән илин сојуг фәслиндә еһтијаҹ дујулан енержи илә бағлы әмин-амансызлыг, Украјна савашы, ири һәҹмдә бүдҹә чатышмазлығы вә дөвләт борҹлары кими бир дағ-ла үзләшдији бир һалда, баш назирин истефасы сәбатсызлыглары сон дәрәҹә артыраҹагдыр.
Инҝилтәрәдәки сијаси вә медиа даирәләри бөһранлар вә рүсвајчылыгларын ардынҹа истефа вермәјә мәҹбур олан Инҝилтәрәнин кечмиш баш назири Борис Ҹонсон, бу өлкәнин кечмиш малијјә назири Риши Сонак, Инҝилтәрәнин мүдафиә назири Бен Валлас вә өнҹәки партијадахили сечкиләрдә Лиз Трассын рәгиби олмуш Пени Морданети Лиз Трассын јерини тутмаға һаким мүһафизәкарлар партијасынын ән танынмыш үзвләри һесаб едирләр.
342/
шәрһиниз
