Иран Ислам Республикасынын президенти Сејид Ибраһим Рәиси дүнән ахшам Гәрби Азәрбајҹан валиси Мәһәммәд Садиг Мөтәмидијан илә телефон сөһбәтиндә гыш фәсли башланмаздан өнҹә бу вилајәтдә зәлзәләдән зәрәр чәкәнләр үчүн мүнасиб сығынаҹағын тәмин едилмәси истигамәтиндә лазыми тәдбирләрин ҝөрүлмәсинә тәкид едиб.
Дүнән сәһәр саатларында Гәрби Азәрбајҹан вилајәтинин Хој рајонунда Рихтер шкаласы илә 5,4 бал ҝүҹүндә јералты тәкан баш вериб. Теһран университетинин ҝеофизика институту јералты тәканын јерин он километр дәринлијиндә баш вердијини билдириб.
Зәлзәлә нәтиҹәсиндә индијәдәк 1126 нәфәр бәдән хәсарәти алыб.
Иран президенти Гәрби Азәрбајҹан валиси илә телефон сөһбәтиндә һадисәдән зәрәр чәкмиш инсанларын мүвәггәти мәскунлашдырылмалары вә јардым просесинин сүрәтләндирилмәси барәдә лазыми ҝөстәришләр вериб.
Рәиси һәмчинин јардым органларына ҝөстәриш верибдир ки, Гәрби Азәрбајҹан вилајәтиндә мөвҹуд олан бүтүн имкан вә баҹарыгларлардан истифадә етмәклә зәлзәләдән зәрәр чәкәнләрин тәҹили еһтијаҹларынын арадан галдырылмасына сәј ҝөстәрсинләр.
Зәлзәләдән зәрәр чәкмиш инсанларын фөвгәладә шәкилдә мәскунлашдырылмалары зәлзәләнин баш вердији илк саатлардан башланыб. Дөвләтин, Ислам Ингилабы Кешикчиләри Корпусу- Сепаһын, ордунун вә сәфәрбәр гүввәләрин имканлары илә зәлзәләдән зәрәр чәкәнләрә јардымын чатдырылмасы давам едир.
Гәрби Азәрбајҹан вилајәти рәсмиләринин билдирдикләринә ҝөрә, бу јералты тәканда инсан тәләфатынын олмамасынын әсас сәбәби, бөлҝәдә јүксәк тәһлүкәсизлијә малик јени тикилиләрин мөвҹуд олмасыдыр.
342/
