Москвадакы Мәркәзи Клиника Хәстәханасы билдириб ки, Михаил Горбачов узун сүрән хәстәликдән сонра өлүб.
Азәрбајҹан Республикасында она мүнасибәт һәмишә мәнфи олуб. Мәтбуат јазыр ки, ССРИ-нин кечмиш рәһбри Михаил Горбачов ССРИ конститусијасынын 119-ҹу вә Азәрбајҹан конститусијасынын 71-ҹи маддәсини кобуд шәкилдә позараг фөвгәладә вәзијјәтин тәтбиг едилмәси вә һәрбчиләрин Бакыја јеридилмәси илә бағлы ганунсуз фәрман вермишди. О, Азәрбајҹанда 1990-ҹы ил 20 Јанвар фаҹиәсинин әсас тәшкилатчысы иди.
Горбачов ССРИ-ни 1985-ҹи илдә тәһвил алды вә 1991-ҹи илдә ону јерә вурду. Горбачовун өлүмә доғру ҝедән императорлуғу дирилтмәк үчүн ҝөстәрдији бүтүн сәјләр нәтиҹәсиз галды вә о, 25 сентјабр 1991-ҹи илдә истефа верди, 1 јанвар 1992-ҹи илдә исә ССРИ-нин сону елан едилди.
ССРИ-нин дағылмасындан 3 ил әввәл, 1989-ҹу илин јанвар ајында Иран Ислам Республикасынын баниси Имам Хомејни һәзрәтләринин Горбачова мәктубу јазылды. Имам бу мәктубда Горбачовун үзүнә јени гапы ачды, лакин Горбачов бундан үз дөндәрди.
Имамын мәктубу Аллаһ кәламындан илһам алмыш бир илдырым вә маарифләндириҹи иди.
О һәзрәт јазмышды: “Ҹәнаб Горбачов! Буну јахшы билмәк лазымдыр ки, өлкәнизин әсас проблеми мүлкијјәт, игтисадијјат вә азадлыг проблеми дејил. Әсас проблеминиз Аллаһа инамынызын олмамасыдыр. Гәрби дә тәнәззүл вә чыхмаза сүрүкләјән әсас мәгам мәһз будур. Әсас проблеминиз варлығы вар едән, јарадан Аллаһла узун мүддәтли вә фајдасыз мүбаризәниздир. Ҹәнаб Горбачов! Артыг һамы баша дүшмүшдүр ки, бундан сонра коммунизмин јери дүнја сијасәт музејидир. Чүнки марксизм инсанын һеч бир проблеминә һәлл тапа билмәјиб. Чүнки о материалист бир тәлимдир вә материализмлә бәшәријјәти Гәрбдә вә Шәргдә пәнҹәсиндә әзән мәнәви проблемләрә һәлл јолу тапыла билмәз.”
342/
