ҝөрүшдә бејнәлхалг ҝөмрүк әмәкдашлығынын инкишаф етдирилмәсинин өнәмли олдуғу гејд едилиб вә билдирилиб ки, һәр үч өлкәнин иштиракы илә имзаланаҹаг транзитин асанлашырылмасы үзрә Меморандумун бејнәлхалг тиҹарәт-тәҹһизат зәнҹиринин давамлылығынын тәмин олунмасына, Шимал-Ҹәнуб Нәглијјат Дәһлизинин имканларынын ҝенишләнмәсинә, Иран-Азәрбајҹан -Русија маршуруту үзрә сәрһәд кечид мәнтәгәләриндә ҝөмрүк транзити әмәлијјатларынын асанлашдырылмасына, јени чағырышлар әсасында ҝөмрүк нәзарәтинин һәјата кечирилмәсинә әлавә имканлар јарадаҹаг.
Рәсмиләр дејибләр ки, Азәрбајҹанын ишҝалдан азад олунан әразиләриндә јени јарадылан инфраструктур, јоллар, лоҝистика мәркәзләри транзит имканларынын артырылмасына вә ҝенишләнмәсинә хүсуси олараг тәкан верәҹәк.
Ҝөрүш заманы һәмчинин вурғуланыб ки, мәлуматларын әввәлҹәдән өтүрүлмәси вә белә механизмин јубанмадан тәтбиг едилмәси, о ҹүмләдән, конкрет иҹра ишләринин һәјата кечирилмәси мәсәләләри һәлл олунмагла дәмирјолу васитәсилә дашынан јүкләр дә дахил сәрһәд бурахылыш мәнтәгәләриндә јүк дашымалары да ләнҝимәләрә мәруз галмајаҹаг, нәглијјат дәһлизләринин ҹәлбедиҹилији артаҹаг, әввәлҹәдән апарылан илкин мәлуматларын електрон мүбадиләси һесабына ҝөмрүк проседурлары асанлашдырылаҹаг.
Јекунда Азәрбајҹан Республикасы Дөвләт Ҝөмрүк Комитәси, Иран Ҝөмрүјү вә Русија Федерасијасынын Федерал Ҝөмрүк Хидмәти арасында транзитин асанлашдырылмасы үзрә Анлашма Меморандуму имзаланыб вә бу ишләри координасија едәҹәк үч өлкә ҝөмрүк органларынын јүксәк сәвијјәли нүмајәндәләринин дахил олаҹағы комитәнин јарадылмасы нәзәрдә тутулуб.
342/
