АБНА24 Хәбәр Верир , президент Илһам Әлијев Азәрбајҹан-Литва бизнес форумунда чыхышы заманы дејиб: "Азәрбајҹандакы мүсбәт демографик вәзијјәти нәзәрә алараг, биз даим ишсизликлә бағлы мәсәләләрә диггәт јетирмәлијик. Биз ишсизлик сәвијјәсини 5-6 фаизә гәдәр азалтмаға наил олмушуг. Лакин буну ашағы сәвијјәдә сахламаг үчүн биз һәр ил јени иш јерләри ачмалыјыг. Чүнки Азәрбајҹанын әһалисинин сајы, 30 ил әввәл мүстәгиллијимиз әлдә олунандан бу ҝүнә гәдәр 7 милјондан 10 милјона гәдәр артмышдыр вә инди дә артмагдадыр. Бу сәбәбдән биз даһа чох инсан үчүн иш јерләринә саһиб олмалыјыг. Хүсусилә дә инди - дөрдүнҹү сәнаје ингилабынын нәтиҹәсиндә бир чох ишләрин артыг мөвҹуд олмајаҹағы дөврдә биз өзүмүзү јени иш саһәләринә һазырламалыјыг".
Дејилдијинә ҝөрә президент Әлијев өз ачыгламасында Дөвләт Статистика Комитәсинин ајлыг һесабатларына истинад едиб, лакин бу һесабатларын дәгиглијинә мүстәгил игтисадчылар шүбһә илә јанашырлар. Иш о јерә чатмышдыр ки, бир мүддәт әввәл игтисадчы Губад Ибадоғлу Азәрбајҹанда сон бир илдә ишсизлик вә јохсуллуғун 2 дәфә артмасына даир иддиа илә чыхыш едиб. О, өз сосиал шәбәкә һесабында гејд едиб ки, ишсизлик 50 фаизә, јохсуллуг 30 фаизә гәдәр артыб.
Әлбәттә ки, бу, бүтүн експертләрин рәји деји.
"Фактјохла Лаб" сајты Губад Ибадоғлунун иддиасына ҹаваб олараг јазыр ки, Губад Ибадоғлунун истәр ишсизлик, истәрсә дә јохсуллугла бағлы иддиалары һеч бир факт вә дәлилә сөјкәнмәдијиндән ҝерчәкликдән тамамилә узагдыр.
342/
20 may 2022 - 13:32
Xəbər kodu: 1259166
Азәрбајҹанын дөвләт башчысы өлкәдә ишсизлик сәвијјәсини 5-6 фаизә гәдәр азалтдығыны сөјләјиб.
