АБНА24 Хәбәр Верир , Иран Президент Администрасијасы нәздиндә Фәләстин Халгынын Ислам Ингилабына Дәстәк Комитәси Никбәт ҝүнү мүнасибәти илә бәјанат јајыб .
Бәјанатда дејилир: "Никбәт Ҝүнү" елә бир ҝүндүр ки онда, сионист дүшмән ҝүнүһсыз инсанларын ганынын төкүлмәси, сајсыз-һесабсыз әзаб-әзијәтләр, шәһәр вә кәндләрин дағыдылмасы, торпагларын мүсадирә едилмәси, јашајыш мәнтәгәләринин ҝенишләндирилмәси, гәдим абидәләрин вә Исламын мүгәддәс мәканларынын һабелә Фәләстин вә Исламы тәмсил едән һәр шејин дағыдылмасы баһасына өзүнүн гејри-леҝитим варлығыны елан етди.
Бәјанатын давамында әлавә олунуб: Сахта сионист режим Фәләстин халгынын ашкар һүгугларыны тапдаламагда вә сајсыз-һесабсыз ҹинајәтләр төрәтмәкдә давам едәрәк, мүмкүн гәдәр чох инсаны өз јурд-јуваларындан говмаг үчүн һеч бир дүшмәнчилик һәрәкәтдән әл чәкмәјиб.
Иран Президент Администрасијасы нәздиндә Фәләстин Халгынын Ислам Ингилабына Дәстәк Комитәси даһа сонра билдириб: Бу фаҹиәли ҝүнүн хатырланмасы Фәләстин халгы үчүн аҹы вә ағрылы олса да, һәр ил белә бир ҝүндә фәләстинлиләр вә чохлу сајда азадлыгсевә инсан, митингләр вә етираз аксијалары кечирәрәк, бу тапталанмыш һүгугун һеч вахт унудулмајаҹағыны хатырладырлар.
"Ҹинајәткар сионист режим өз мәшум планларына ујғун олараг, бүтүн әхлаги вә һуманитар принсипләрә мәһәл гојмадан вә бүтүн бејнәлхалг һүгуг вә нормалары позараг, һеч бир ҹинајәтдән әсирҝәмәјиб вә ән сонҹинајәтиндә Әлҹәзирә телеканалынын мүхбирини шәһид етмәклә бејнәлхалг ганунлары ачыг шәкилдә истеһза едиб", - дејә бәјанатын давамында гејд едилиб.
342/
15 may 2022 - 10:32
Xəbər kodu: 1257651
Иран Президент Администрасијасы нәздиндә Фәләстин Халгынын Ислам Ингилабына Дәстәк Комитәси Никбәт Ҝүнүнү сионист режимин мүдафиәсиз Фәләстин халгына гаршы ҹинајәтләринин ҝөстәриҹиси кими гијмәтләндириб.
