АБНА24 Хәбәр Верир , Русијанын хариҹи ишләр назири Серҝеј Лавров “Әл Әрәбијјә” телеканалына мүсаһибәсиндә Украјнада һәрби әмәлијјатын баша чатма вахты илә бағлы суалы ҹавабландырыб.
Журналист бу әмәлијјатын мајын 9-на кими баша чатыб-чатмајаҹағыны сорушуб.
Лавров ҹаваб вериб ки, бу, артыг елан едилмиш мәгсәдләр һәјата кечирилдикдән вә әлдә едилдикдән сонра баша чатаҹаг.
Назир ејни заманда Русија әразисиндәки објектләрә һүҹумларла бағлы инсидентләр фонунда әмәлијјатын мәгсәдләринә наил олунмасынын ваҹиблијини вурғулајыб. Билдириб ки, Русија Кијевин “авантүраларынын гаршысыны алмагла мәшғулдур”.
Сүлһ данышыгларына ҝәлинҹә, Лавров дејиб ки, онлар Кијев һакимијјәтинин гејри-ардыҹыл мөвгејинә ҝөрә дајаныб.
“Әҝәр онлар виҹданлы данышыглар апарсајдылар, аддым-аддым разылашдыглары шејә садиг галсајдылар, биз бу данышыгларда мүһүм ирәлиләјиш әлдә едә биләрдик”, - дејә назир билдириб.
Онун сөзләринә ҝөрә, Украјна БМТ Тәһлүкәсизлик Шурасынын даими үзвләри, Алманија вә Түркијәнин дахил олдуғу бир груп дөвләтдән тәһлүкәсизлик зәманәти ала биләр.
Лавров әлавә едиб: "Биз бунун әлејһинә дејилик. Әсас одур ки, онларын нә дәрәҹәдә ардыҹыл олдуғуну баша дүшәк, хүсусән дә бу тәминатларын һансы әразиләри әһатә етмәси мәсәләсиндә. Тәбии ки, баша дүшдүјүнүз кими, бу, Крым вә Украјнанын шәргинә аид едилә билмәз, чүнки биз һәмин республикаларын мүстәгиллијини танымышыг. Онлар әввәлҹә Истанбулдакы данышыгларда бунунла разылашсалар да, сонра нәзәр нөгтәләрини дәјишдиләр”.
О вурғулајыб ки, данышыглар Кијевин даим бу ојунлары ојнамаг истәмәси, һәмчинин Вашингтон, Лондон вә диҝәр пајтахтлардан ҝәлән данышыглар просесинин сүрәтләндирилмәмәси илә бағлы ҝөстәришләрә ҝөрә далана дирәниб.
Русијанын хариҹи ишләр назири Серҝеј Лавров сөһбәтинин сонунда билдириб ки, Гәрб истеһлак етдији газа ҝөрә өдәниләҹәк пулу Русија Федерасијасындан оғурлајыб вә тәхминән 300 милјард доллары вермәкдән бојун гачырыб.
342/
1 may 2022 - 18:56
Xəbər kodu: 1253827
Русијанын хариҹи ишләр назири Украјнадакы хүсуси әмәлијјатын нә вахт баша чатаҹағыны ачыглајыб.
