Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Русија Президенти Владимир Путин вә Ермәнистанын баш назири Никол Пашинјан икитәрәфли ҝөрүшдә данышыглар заманы Ермәнистан-Азәрбајҹан сәрһәдинин делимитасијасы үзрә комиссијанын јарадылмасы просесини сүрәтләндирмәк барәдә разылыға ҝәлибләр.
Бу барәдә Кремлин мәтбуат хидмәти мәлумат јајыб.
"Лидерләр Ҹәнуби Гафгаздакы вәзијјәтлә бағлы фикир мүбадиләси апарыблар. Онлар Азәрбајҹан, Ермәнистан вә Русија лидерләринин мүнтәзәм ҝөрүшләри чәрчивәсиндә конструктив ишин давам етдирилмәсинин вә үч лидерин нојабрын 10-да имзаладығы разылашмаларын ардыҹыл шәкилдә һәјата кечирилмәсинин тәрәфдары олдугларыны билдирибләр”, - бәјанатда дејилир.
Тәрәфләр Азәрбајҹан, Ермәнистан вә Русија баш назирләринин мүавинләринин бирҝә сәдрлији илә Ҹәнуби Гафгазда бүтүн игтисади әлагәләрин вә нәглијјат коммуникасијаларынын гаршысынын алынмасы үзрә Үчтәрәфли Ишчи Групун фәалијјәтини активләшдирмәји гәрара алыблар:
Тәрәфләр, һәмчинин реҝионун бүтүн өлкәләри арасында диалогун вә чохшахәли әмәкдашлығын тәшвиги үчүн әлавә имканлар тәмин етмәк үчүн нәзәрдә тутулмуш 3+3 әмәкдашлыг форматынын уғурла фәалијјәтә башладығыны гејд едибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
