Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, мүгәддәс Мәшһәд шәһәриндә јерләшән һәзрәт Имам Рзанын (әлејһи сәлам) пак һәрәминдә халга көнүллү хидмәт ҝөстәрән ики ҹиһадчы руһанинин шәһадәти вә бир нәфәрин јараланмасы илә нәтиҹәләнән террор һадисәсиндән сонра Үмумдүнја Әһли-Бејт (ә) Ассамблејасы бәјанат јајыб.
Үмумдүнја Әһли-Бејт (ә) Ассамблејасынын террор актыны писләјән бәјанатында дејилир: “Тәкфирчи үнсүрләр артыг ҝөстәрди ки, онлар нәинки инсани дујғулардан мәһрумдурлар, һәм дә шүарларынын әксинә олараг Ислама вә Ислам дәјәрләринә инанмырлар; Чүнки дәфәләрлә Пакистанда, Әфганыстанда, Иранда, Ирагда, Суријада, Күвејтдә вә... өлкәләрдә намаз вә ибадәт үчүн Мәсҹид вә мүгәддәс мәканлалрда топлашан инсанлары һеч бир ҝүнаһлары олмадан тәһгир едиб вә өлдүрүрләр.”
Үмумдүнја Әһли-Бејт (ә) Ассамблејасы зәкавәтли Иран вәтәндашларынын глобал империалист вә бејнәлхалг сионизмин мәкирли планлары гаршысында ајыг олмаларынын ваҹиблијини вурғулајараг, Иранда сығынаҹаг ахтаран әфганыстанлы мүһаҹирләрлә даһа меһрибан давранмаларыны төвсијә едәрәк дејиб: ““Ислами вәһдәт” Аллаһын (ҹәллә ҹәлалуһ), Онун Рәсулунун (сәлләллаһу әлејһи вә алиһ) вә Әмирәлмөминин Әлинин (әлејһи сәлам) галыҹы мирасыдыр.”
Диггәт: Хәбәрдән Истифадә Етдикдә Мәнбәјә Истинад Лазымдыр!
