АБНА24 Хәбәр Верир , Украјна Силаһлы Гүввәләринин Баш Гәрарҝаһынын мәлуматында гејд олунуб ки, русијалы һәрбчиләрин әсас сәјләри Донетск вә Луганск вилајәтәриндә там нәзарәти бәрпа етмәкдир. Онлар мүхтәлиф истигамәтләрдә фәаллығы давам етдирирләр. Слобожан истигамәтиндә гаршы тәрәф Харков шәһәрини мүһасирәјә алмаға вә артиллеријадан атәшә тутмаға давам едир. Донетск вә Таврија истигамәтләриндә исә Русија һәрбчиләри Попасна јашајыш мәнтәгәсини артиллеријадан атәшә тутурлар.
Мәлуматда һәмчинин дејилир ки, ҹәнуб Буг истигамәтиндә русијалы һәрбчиләр әввәлләр ишғал етдији сәрһәдләри мүдафиә едир, бөлмәләринин дөјүш габилијјәтини бәрпа етмәк үчүн тәдбирләр ҝөрүрләр. Амма онларын мәнәви-психоложи дуруму ашағыдыр. Әсҝәрләр Украјнадакы нөвбәти һәрби әмәлијјатларда иштирак етмәк истәмирләр. Она ҝөрә дә, Русија Силаһлы Гүввәләри Команданлығы шәхси һејәтин артырылмасына чалышыр: “2012-ҹи илдән һәрби хидмәтдән тәрхис олунмушлара јенидән мүраҹиәт олунур. Хүсуслиә сүрүҹүләрә, механик-сүрүҹүләрә, кәшфијјатчылара вә кичик командирләрә үстүнлүк верилир. Чағырышын сәбәби тәлим-мәшг топланышынын кечирилмәсидир.
Украјна мәнбәләри иддиа едирләр ки, русијалы һәрбчиләр мүвәггәти ишғал олунмуш әразиләрдә динҹ әһалијә гаршы зоракылығы давам етдирирләр. Мариупол әһалиси Донетск вилајәтинин мүвәггәти ишғал олунмуш рајонларына депортасија едилир. Сон суткада гаршы тәрәфин 1 ганадлы ракети, 1 ПУА-сы вә 1 дөјүш тәјјарәси мәһв едилиб.
342/
8 aprel 2022 - 10:46
Xəbər kodu: 1245918
Украјна Баш Гәрарҝаһы ҹәбһәдәки сон дуруму ачыглајыб.
