АБНА24 Хәбәр Верир , Сәид Хәтибзадә бу ҝүн Ҹавид Рәһманын сон мәлуматы вә сөзләринә реаксијада белә дејиб: Биртәрәфли әдавәтли һәрәкәтләри писләјән Иран Ислам Республикасы, хүсуси мәрузәчинин бу һәрәкәтләрин инсан һүгугларындан бәһрәләнмәјә ҝөстәрәҹәк мәнфи тәсирләринә нәзәр салмамасыны онун тәрәфсиз олмамасынын, һәмчинин онун тәрәфиндән БМТ-нин инсан һүгуглары шурасынын 49-ҹу иҹласына тәгдим олунмуш һесабатын гүсурлу олмасынын нишанәси һесаб едир.
Иранын дипломатија апаратынын сөзчүсү вурғулајыб: Иран Ислам Республикасы бу мәлуматла бағлы әһатәли фикирләрини тәгдим едиб вә бу сәнәд БМТ-нин инсан һүгуглары шурасы тәрәфиндән рәсми шәкилдә јајылыбдыр.
Мәрузәчинин гәрбли вә террорчу груплашмалар да дахил олмагла гәрәзли гајнаглардан алынан вә јанлыш информасијалара әсасланан иттиһамлары вә јалан иддиаларыны рәдд едән Хәтибзадә вурғулајыб: Иран хүсуси мәрузәчинин тапшырығыны гәбул етмәсә дә, БМТ-нин инсан һүгуглары шурасынын гәтнамәсини сијаси һесаб етсә дә, даима онун мәлуматлары вә һесабатларына өз фикирләрини бәјан едиб. Тәәссүфләр олсун ки, бу сәдагәтли јанашма, мәрузәчинин Иранын фикирләринә лагејдлији илә үзләшиб вә онун јанашма тәрзинин сијаси вә тәрәфкешҹәсинә олмасына тәсдиг мөһүрү вурубдур.
Иран Хариҹи Ишләр Назирлијинин рәсми нүмајәндәси сөјләјиб: Иран Гәрб өлкәләринин инсан һүгуглары илә бағлы икибашлы вә ријакарҹасына јанашмаларыны рәдд етмәклә дүнјада инсан һүгугларыны јүксәлтмәји вә она дәстәк вермәји өзүнә борҹ билир вә Американын биртәрәфли әдавәтли һәрәкәт вә тәзјигләринә рәғмән, өз халгынын инсан һүгугларынын јүксәлдилмәсини ҹидди шәкилдә давам етдирәҹәк.
342/
19 mart 2022 - 16:10
Xəbər kodu: 1240862
Иран Хариҹи Ишләр Назирлијинин рәсми нүмајәндәси Иранда инсан һүгугларынын вәзијјәти үзрә хүсуси мәрузәчинин мәлуматыны гәрәзли, тәрәфкешҹәсинә, һәмчинин гејри-дүзҝүн вә мәнфәәтпәрәстҹәсинә мәлуматлар вә нәтиҹәләрлә долу бир мәлумат адландырыб. Билдириб ки, инсан һүгугларына сечимли вә сијаси јанашма нәинки онун јүксәлишинә көмәк етмәјәҹәк, әксинә онун позулмасы вә зәифләмәсинә сәбәб олаҹаг.
