АБНА24 Хәбәр Верир , Рәҹәб Тәјјиб Әрдоған дејиб: "Украјнанын АИ-јә дахил олмасы үчүн ҝөстәрилән сәјләри јүксәк гијмәтләндиририк, амма мән АИ үзвләриндән сорушурам: Сиз нијә һәлә дә Түркијәни АИ-јә гәбул етмәјә тәрәддүд едирсиниз?
Түркијә президенти “јохса кимсә Түркијәјә һүҹум етсә Түркијәни ҝүндәмә ҝәтирәҹәксиниз?”,- суалы илә авропалылара мүраҹиәт едәрәк “Украјна илә бағлы ҝөстәрдијиниз һәссаслығы Түркијә үчүн дә ҝөстәрин.”-дејиб.
Әрдоған өлкәсинин НАТО-ја, онун ҝенишләнмәси програмына вердији төһфәләрә диггәт чәкәрәк сонра белә дејиб: Авропа Бирлијинә үзв өлкәләрлә НАТО ичәрисиндә бир јердә олдуғумуз, мүттәфиг олдуғумуз вә мүдафиә сәнајеси саһәсиндә әмәкдашлыглар апармалы олдуғумуз һалда онлар Түркијәјә јахын дурмурлар.
“Нијә Түркијәјә вермәли олдуғунуз силаһ-сурсат вә һәрби тәҹһизатлары вермирсиниз?”- дејә сорушан Түркијә президенти “ Бу һәмрәјлијимиз үчүн дә зәруридир анҹаг вермирләр, јенә бир мүһарибә олмасынымы ҝөзләјирләр? Бунлар сәмими дејилләр”,- дејә билдириб.
“НАТО үзвләри дә садәҹә бош сөзләр данышыр, Авропа Бирлији үзвләри дә бош сөзләр данышыр вә Украјна халгынын башына ҝәлән бу бәлалар гаршылығында Зеленскинин чыхышыны Авропа Бирлији Парламентиндә ајагда алгышлајырлар. Әла инкишафды!”,- Түркијә президенти Рәҹәб Тәјјиб Әрдоған дејиб.
342/
2 mart 2022 - 04:51
Xəbər kodu: 1234936
Түркијә президенти Рәҹәб Тәјјиб Әрдоған Сербија президенти илә бирҝә мәтбуат конфрансында етдии чыхышында Авропа Иттифагынын Украјнаны бу иттифага гәбул етмәк сәјләринә тохунуб вә бу сәјләри бу бирлијин Түркијәјә гаршы мүнасибәти илә мүгајисә едиб.
