АБНА24 Хәбәр Верир , Украјна президенти Владимир Зеленски халга мүраҹиәтиндә билдириб ки, Русијанын һәрәкәтләринә бахмајараг Украјнанын бејнәлхалг сәвијјәдә танынмыш сәрһәдләри ејни галаҹаг.
О гејд едиб ки, өзләринин мүстәгиллијини елан едән “республикалар”ын танынмасы Русија Федерасијасынын Минск сазишиндән чыхмасы демәкдир, бунунла белә Украјна һеч кимә һеч нә вермәјәҹәк.
Түркијә дә Русијанын Украјнанын Донетск вә Луганск вилајәтләрини мүстәгил дөвләт кими танымасыны гәтијјәтлә писләјиб.
Түркијә Хариҹи Ишләр Назирлији бәјанатында бејнәлхалг һүгугун кобуд шәкилдә позулдуғу вурғуланыб вә дејилиб ки, рәсми Анкара Украјнанын суверенлијини вә әрази бүтөвлүјүнү гәтијјәтлә дәстәкләјир.
АТӘТ-ин фәалијјәтдә олан сәдри, Полшанын хариҹи ишләр назири Збигнев Рау исә билдириб ки, Русијанын мәлум аддымы Минск разылашмаларына зидд олараг бејнәлхалг һүгугун вә АТӘТ-ин фундаментал принсипләринин позулмасыдыр.
АТӘТ рәһбәрлијинин фикринҹә, бу ҹүр танынма јалныз ҝәрҝинлији артыраҹаг.
АБШ-ын да мөвгеји өзүнү чох ҝөзләтмәјиб. Дөвләт катиби Ентони Блинкен дејиб ки, АБШ өз мүттәфигләри илә координасијалы шәкилдә Русијанын “дхр” вә “лхр”и танымасына гаршы мүвафиг тәдбирләри ҝөрәҹәк.
О билдириб ки, Русијанын гондарма гурумлары танымасы сүрәтли вә ҹидди ҹаваб тәләб едир.
АБШ-ын БМТ-дәки даими нүмајәндәси Линда Томас-Гринфилд да хәбәрдарлыг едиб ки, реҝионларын Москва тәрәфиндән танынмасы мүһарибәјә бәһанәдир.
“Русијанын һәрәкәтләринин нәтиҹәләри Украјнада, Авропада вә бүтүн дүнјада дәһшәтли олаҹаг. Путин Минск разылашмаларыны парча-парча етди”, - дејә дипломат билдириб.
БМТ Баш катибинин нүмајәндәси Стефан Дүжаррик исә дејиб ки, сөзүҝедән гәрар БМТ низамнамәсинин принсипләринә зиддир.
Авропа Иттифагы Шурасынын президенти Шарл Мишел дә мәсәләјә мүнасибәт билдириб. О дејиб ки, АИ гәтијјәтлә Украјнанын тәрәфиндәдир вә Украјнанын әрази бүтөвлүјүнү там дәстәкләјир.
Диҝәр бир мәлумата ҝөрә, АБШ президенти Ҹо Бајден базар ертәси Русијанын гондарма "Донетск вә Луганск Халг Республикалары"нын суверенлијинин танымасы илә әлагәдар санксијалар һаггында фәрман имзалајыб.
Сәнәд, АБШ вәтәндашлары үчүн "ДХР" вә "ЛХР"-дә јени инвестисијалара гадаға гојур. Һәмчинин бу ики сепаратчы бөлҝәјә малларын, хидмәтләрин вә технолоҝијаларын ихраҹыны, тәкрар ихраҹыны, сатышыны, тәдарүкүнү гадаған едир.
Рәсми Кијев Русијаја гаршы даһа сәрт санксијалар тәләб едир.
342/
23 fevral 2022 - 08:06
Xəbər kodu: 1232505
Путинин Украјнанын ики бөлҝәсинин мүстәгиллији танымасы гынаг објектинә чеврилиб.
