АБНА24 Хәбәр Верир, Иран ХИН сөзчүсү Сәид Хәтибзадә өзүнүн һәфтәлик брифингиндә Түркијә-Ермәнистан әлагәләринин нормаллашмасы истигамәтиндә ҝедән мүзакирәләр барәдә СәһәрАзәри телеканалынын мүхбиринин суалыны ҹавабландыраркән дејиб:
"Иран һәмишә өз гоншулары арасында әлагәләрин нормаллашдырылмасы сәјләрини мүсбәт гијмәтләндирир вә гоншулар арасында хошаҝәлмәз һадисәләр баш вердикдә вәзијјәтин јахшылашмасына төһфә верир."
Хәтибзадә гоншу өлкәләр арасында әлагәләрин адиләшдирилмәси истигамәтиндә Ирана васитәчилик үзрә тәклиф оларса буну мәмнунлугла гаршылајаҹағыны вурғулајыб.
“ Биз гоншу өлкәләр арасында әлагәләрин олмамасындан јорулмушуг” дејән Сәид Хәтибзадә Иранын там хошмәрамлы мөвгедән чыхыш едәрәк реҝион өлкәләри арасында әлагәләрин нормаллашмасы истигамәтиндә һәрһансы сәјдән әсирҝәмәјәҹәјини вурғулајыб: “Биз Түркијә илә Ермәнистан арасында әлагәләрин адиләшмәси үчүн өз сәјләримизи һәјата кечирәҹәјик”, дејә ИИР ХИН сөзчүсү билдириб.
342/
17 yanvar 2022 - 13:17
Xəbər kodu: 1219877
Иран Ислам Республикасы Хариҹи Ишләр Назирлијинин сөзчүсү Иранын һәмишә гоншу өлкәләр арасында әлагәләрин нормаллашмасыны мүсбәт гаршыладығыны вә белә бир проссесә төһфә вердијини билдириб.
