АБНА24 Хәбәр Верир, Токајев Газахыстанда вәзијјәтин сабитләшдирилмәсиндә мүһүм рол ојнајан сүлһмәрамлыларын миссијасыны чох уғурлу аддым кими гијмәтләндириб: "Мәним мүвафиг өлкәләрин рәһбәрләри илә данышыгларым олду. Фүрсәтдән истифадә едәрәк, бу бир нечә ҝүн әрзиндә ҝөрүлән ишләрә ҝөрә континҝентин команданлығына миннәтдарлығымы билдирмәк истәјирәм".
Гејд едәк ки, јанварын илк ҝүнләриндә газ гијмәтләринин артымына әһалинин кәскин етиразлары сәбәбиндән Газахыстанын бир нечә шәһәр вә вилајәтиндә фөвгәладә вәзијјәт режими елан едилиб. Газахыстан Тәһлүкәсизлик Шурасына Токајев өзү башчылыг едиб. Бунунла да 1995-ҹи илдән бу вәзифәни иҹра едән өлкәнин илк президенти Нурсултан Назарбајеви ишиндән кәнарлашдырыб. Бунун ардынҹа исә КТМТ-дән јардым истәјиб вә КТМТ сүлһмәрамлылары Газахыстана ҝөндәрилиб.
БМТ-нин мәлуматына ҝөрә, иғтишашлар заманы минә јахын инсан јараланыб. ДИН 18 ҝүҹ структуру әымәкдашынын һәлак олдуғуну, үмумиликдә 4 миндән чох шәхсин сахланылдығыны билдириб.
Бу арада ҹүмә ахшамы Алматы вә Жамбил рајонлары истисна олмагла,Газахыстанын бүтүн бөлҝәләриндә антитеррор әмәлијјатынын баша чатдығы вә террор тәһлүкәсинин критик “гырмызы” сәвијјәсинин ләғв едилдији билдирилир.
Газахыстан Милли Тәһлүкәсизлик Комитәсинин мәтбуат хидмәти бу һагда мәлумат јајараг хәбәр вериб ки, ҹари дөвр үчүн Газахыстанын 14 рајонунда вәзијјәт сабитләшиб. Бу сәбәбдән Террорла Мүбаризә үзрә Республика Оператив Гәрарҝаһы антитеррор әмәлијјатынын баша чатмасы вә Нур-Султан, Чимкент, Акмола, Актобе, Шымкент, Атырау, Шәрги Газахыстан, Гәрби Газахыстан, Гараганда, Гызылорда, Костанај, Манҝистау, Павлодар, Шимали Газахыстан вә Түркүстан шәһәрләринин әразиләриндә террор тәһлүкәсинин критик “гырмызы” сәвијјәси ләғв едилмишдир.
Газахыстан һөкумәти мүхалифләрә гаршы һәјата кечирдији тәдбирләрини антитеррор әмәлијјаты адландырыр.
342/
14 yanvar 2022 - 10:09
Xəbər kodu: 1218759
Коллектив Тәһлүкәсизлик Мүгавиләси Тәшкилатынын (КТМТ) сүлһмәрамлылары бу ҝүндән башлајараг Газахыстандан чыхарылыр. Буну Газахыстан Президенти Касым-Жомарт Токајев дејиб.
