АБНА24 Хәбәр Верир, Иран Ислам Республикасынын Хариҹи Ишләр Назирлији "Америка Бирләшмиш Штатларынын реҝионда инсан һүгугларынын позулмасы вә авантүрист вә террорчу һәрәкәтләри илә мүбаризә һаггында ганун"ун иҹрасы чәрчивәсиндә бир бәјанат јајараг, билдириб ки, АБШ администрасијасынын јүксәк рүтбәли рәсмиләри, о ҹүмләдән сабиг президент Доналд Трамп, сабиг дөвләт катиби Мајк Помпео вә сабиг милли тәһлүкәсизлик мүшавири Ҹон Болтондан әлавә, бир нечә диҝәр шәхсин ады да АБШ-ын ҝенерал Сүлејманијә гаршы төрәтдији ҹинајәтиндәки ролларына ҝөрә, бу сијаһыда јер алыр.
Ады чәкилән шәхсләр вәзијјәтә ујғун олараг, террор актынын гәрарларынын гәбул едилмәсиндә, планлашдырылмасында, тәшкилиндә, малијјәләшдирилмәсиндә вә һәјата кечирилмәсиндә иштирак етмиш вә ја бу ҹүр дәһшәтли террор актларына дәстәк вермәклә бејнәлхалг сүлһ вә тәһлүкәсизлијә тәһдид олан терроризми тәшвиг етмишләр.
Бәјанатда даһа сонра дејилир: "Бирләшмиш Штатлар өз террорчу һәрәкәтләри илә терроризмә вә терроризмин малијјәләшдирилмәсинә гаршы мүбаризә саһәсиндәки бејнәлхалг өһдәликләрини, хүсусән дә террор актларынын тәшкилиндән чәкинмәк, һәмчинин инсан һагларына һөрмәт етмәк вә ону горумагла бағлы өһдәлијини кобуд шәкилдә позараг, бејнәлхалг ҹинајәтләр төрәдибдир".
342/
8 yanvar 2022 - 19:47
Xəbər kodu: 1217004
Иран Хариҹи Ишләр Назирлији 2020-ҹи илдә ҝенерал Гасим Сүлејмани вә онун јолдашларына гаршы террор актында иштирак етдикләри үчүн Иран тәрәфиндән санксијалара мәруз галан америкалы шәхсләрин јениләнмиш сијаһысы илә бағлы бәјанат јајыб.
