Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Венесуела президенти Ливанын Әл-Мәјадин шәбәкәсинә мүсаһибәсиндә Доналд Трамп дөврүндә вә ондан алдығы тәклифләрлә бағлы дејиб: “Трамп дөврүндә бир сыра һадисәләр баш верди. Онун Еллиотт Абраһам адлы бир профессору вар иди. О, Трампын офисинә рәһбәрлик едирди вә о бу офиси "Венесуела Кечид Офиси" адландырырды. Еллиотт, Трампын вә империализмин јени мүстәмләкәчилик визјону үчүн "Венесуела" адлы "мүстәмләкә әразиләрини" идарә етмәк үзрә али комиссар тәјин едилмишдир.”
Николас Мадуро дејиб: “Бу шәхс о гәдәр кобуд иди ки, һәјат јолдашыма мәктуб јазыб, мәндән бошанмасыны хаһиш етди вә она бүтүн аиләсинин өлкәни тәрк етмәсинә иҹазә вериләҹәјини вә истәдији өлкәјә ҝедә биләҹәјини сөјләмишдир. Сонра о, јашамаг истәдијим өлкәни сечмәк үчүн башга бир разылыг лајиһәси верәрәк мәни дәстәкләјәҹәкләринә даир сөз верди. Мәним исә бунун әвәзиндә, Венесуела халгына вә Боливар дәјәрләринә вә Чавесин ирсинә хәјанәт етмәјим вә хаин олараг Венесуелны Америка империализминә тәслим етмәлијдим. Бүтүн бу тәклифләр онларын иргчи гүрурундан ирәли ҝәлирди, лакин империализмин планлары бизим дүшүндүјүмүз Боливарын јүксәк мәнәви дәјәрләринин реаллығы илә зиддијјәт тәшкил едирди.”
Мадуро әлавә едиб: "Мән хаинләрин һарада олдуғуну вә ким олдуғуну билирдим. Сатгынларын сону нә олду?" Онлары әздиләр, мән һәмишә демишәм ки, Венесуеланын ишләринә гарышмаг истәјән көкү гурумуш, солғун, гырышыг олаҹаг, ҝөр Ленин Мореноунун башына нә ҝәлди? “Еквадор” президенти сөнмәк үзрәдир, унудулур вә һәтта тарихин зибиллијиндәдир. Маурисио Макри һарададыр? Көкү гурудулмуш вә һазырда да коррупсијаја ҝөрә мүһакимә олунур, унудулмуш вә тарихин зибиллијиндәдир. Даһа узун сијаһы дејә биләрәм, амма зибилликләри хатырлатмагданса, халгымыз үчүн фајдалы, мүсбәт шејләрдән данышмаг даһа јахшыдыр.”
О әлавә етди: “Дејә биләрәм ки, биз ҝөзәл вә бөјүк сүрпризләрин, белә ки, дүнјада бир чохларынын ҹәсарәт мәзһәри олан о ҹүмләдән дүнја бојунҹа мүгавимәт һәрәкатларынын, бүтүн дүнја дөвләт вә һөкумәт башчыларынын һәмрәјлик һәрәкатларынын шаһиди олдуг вә онларын һамысы бизи дәстәкләди. Бәзиләри империализмин интигамындан гачмаг үчүн бизә хәлвәтдә дәстәк вердиләр, лакин бир чохлары ҹәсарәтли идиләр вә ачыг шәкилдә бизә көмәк етдиләр, дәстәкләдиләр вә бизи мүдафиә етдиләр. Биз һәмишә тәк олмадығымызы һисс етмишик.”
Венесуела президенти Гәрбин Бирләшмиш Милләтләр Тәшкилатынын онун һөкумәтини танымасына мане олмаг сәјләринә тохунараг дејиб: “Бирләшмиш Милләтләр Тәшкилатында дәфәләрлә һөкумәтләримизин леҝитимлијини инкар етмәјә чалышдылар вә һәр дәфә ҹәһд етдикдә биз онлары Бирләшмиш Милләтләр Тәшкилатында тәмсил едән һөкумәтләрин бөјүк әксәријјәтинин дәстәји илә мәғлуб етдик. Она ҝөрә дә дүнја лидерләринин, халгын, һәмрәјлик вә мүгавимәт һәрәкатларынын чеврәсиндә олмагдан гүрур дујдуг.”
Диггәт: Хәбәрдән Истифадә Етдикдә Мәнбәјә Истинад Лазымдыр!
