АБНА24 Хәбәр Верир, Сејид Ибраһим Рәиси Гум шәһәриндә кечирилән бу ҝөрүшдә американларын Сурија, Әфганыстан вә Ирагдан говулмаларына ишарә илә дејиб ки, бу ҝүн америкалылар һәмишәкиндән зәифдирләр вә фәләстинлиләр дахил олмагла мүбаризләр вә Һизбуллаһ гүввәләри реҝионда тәшәббүсү әлә алыблар.
Рәиси әлавә едиб: Шәһидләр реҝионун тәһлүкәсизлијини тәмин едибләр вә буҝүнкү раһатлыг шәһидләрин ганлары һесабынадыр, амма дүшмәнләр әл чәкән дејилләр вә ИШИД-и Суријадан Әфганыстана көчүрүбләр.
Рәиси һәмчинин Әфганыстан олајларына тохунуб. Билдириб ки, Әфганыстанын тәһлүкәсизлији, Иран Ислам Республикасынын тәһлүкәсизлији, орадакы әмин-амансызлыг да Иранда әмин-амансызлыгдыр.
Рәисинин сөзләринә ҝөрә: Бүтүн сәјләр буна јөнәлибдир ки, Әфганыстанда бу өлкә халгына асајиш ҝәтирәҹәк бир һөкумәт һакимијјәтә ҝәлсин вә Әфганыстан халгы бу һөкумәтин бүтүн әфган груплары вә гөвмләри үчүн олдуғуну һисс етсин.
Рәиси сөјләјиб: Әфганыстан халгынын дөрд милјон нәфәрә јахын һиссәси Иранда јашајыр вә иранлыларла әфганыстанлыларын һәјаты бир-бирилә елә бағланыбдыр ки, онлары бир-бириндән ајырмаг мүмкүн дејилдир.
Рәиси сонра белә гејд едиб: Американын дүзәлтдији бир груплашма бүтүн реҝиону гарышдырмаг үчүн ҝәлди вә инди дә Әфганыстанда бөјүк бир тәһдиддир. Әсаслара садиг, мөмин, мүсәлман вә шүҹаәтли ҝәнҹләрин мәрдликлә дајанмалары бөлҝәнин әмин-аман олмасына сәбәб олуб.
Иран президенти вурғулајыб ки, ИШИД сионистләр тәрәфиндән јарадылыб вә онлар ИШИД-ә онларын тәрәфиндән аддымлар атмағы вә реҝиону гарышдырмағы тапшырыблар.
Рәиси вурғулајыб: Шәһид ҝенерал Гасым Сүлејмани бир шәхс дејил, бир мәктәб иди; бу мәктәб Әба Әбдиллаһ мәктәбинин давамыдыр вә елә буна ҝөрә, Ислам Ингилабынын Бөјүк Рәһбәри шәһид Сүлејмани мәктәбинин танынмасыны гаршыја вәзифә гојублар.
342/
31 dekabr 2021 - 12:31
Xəbər kodu: 1214010
Иран Ислам Республикасынын президенти мүгәддәс мүдафиә вә һәрәм мүдафиәчиләри шәһидләринин аиләләриндән бир групу илә ҝөрүшдә вурғулајыб ки, Һизбуллаһ вә реҝиондакы мүгавимәт ҹәрәјаны бу ҝүн үстүн мөвгејә маликдирләр.
