Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Бакыда рәсми сәфәрдә олан Иран Ислам Республикасынын Хариҹи Ишләр Назири Һүсејн Әмир Абдуллаһиан Азәрбајҹан Хариҹи Ишләр Назири Ҹејһун Бајрамовла бирҝә кечирилән мәтбуат конфрансында билдириб: “Иран Ислам Республикасы вә Азәрбајҹан арасында әлдә едилән разылыглар ики өлкәнин гаршылыглы мүнасибәтләрини даһа да инкишаф етдирәҹәк”.
Назир Азәрбајҹаны өз торпагларыны Ермәнистанын ишғалындан азад етмәси мүнасибәти илә тәбрик едиб.
Иран Ислам Республикасынын ХИН башчысы гејд едиб ки, Иран Ислам Республикасы һәр заман Азәрбајҹаны ән јахын дост дөвләт һесаб едир.
“Иран Президенти ҹәнаб Ибраһим Рәисинин приоритетләриндә Азәрбајҹанла мүнасибәтләрин инкишафы хүсуси јер тутур”, - дејә назир әлавә едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
