Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам Республикасынын мәһкәмә системи АБШ һөкумәтини “САВАК-а мадди вә мәнәви дәстәк” адландырдығы “сијаси мәһбуслар вә онларын сағ галанларына” 12 милјард доллардан чох тәзминат өдәмәјә мәһкум едиб.
Әдлијјәнин рәсми хәбәр аҝентлији олан Мизан хәбәр вериб ки, “Ислам Ингилабындан әввәл јараланмыш сијаси мәһбусларын” бир нечәси АБШ һөкумәтинә вә АБШ һөкүмәтинин иҹрачы мәмурларына гаршы мәмурларына гаршы Теһранын 55-ҹи Һүгуг Шөбәсиндә мәһкәмә иддиасы галдырыблар. Теһранын 55-ҹи Һүгуг Шөбәси дә АБШ һөкүмәтини 726 милјон 945 мин 80 доллар тәзминат өдәмәјә мәһкум едиб.
Мәлумата ҝөрә, Теһран, Ҝүлистан, Гәзвин, Шәрги Азәрбајҹан вә Гәрби Азәрбајҹан әјаләтләриндән олан “55 сијаси мәһбус вә онларын варисләри” АБШ һөкумәти, Мәркәзи Кәшфијјат Идарәси, Хәзинәдарлыг Департаменти вә Мәркәзи Банкы вә АБШ-ын 7 кечмиш президент вә мәмурларынын варисләрини мәһкәмәјә верибләр.
Мүхалифәтин вә әкс-кәшфијјатын фәалијјәтинә нәзарәт етмәкдән мәсул олан САВАК 1957-ҹи илдә јарадылса да, 1979-ҹу ил Ислам Ингилабынын гәләбәси әрәфәсиндә ләғв едилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
