АБНА24 Хәбәр Верир, Франса Президенти Еммануел Макрон Твиттер сәһифәсиндә јазыб: “Биз һеч вахт ермәниләри тәк гојмајаҹағыг. Һәмишә давамлы сүлһ үчүн һәлл јоллары ахтараҹағыг. Гаршыдан ҝәлән бајрамларын сүлһ вә һуманитар саһәдә наилијјәтләр дөврүнә чеврилмәсинә чағырырам”, - дејә Франсанын дөвләт башчысы билдириб.
Гүјд едәк ки, Брүсселдә, Шәрг Тәрәфдашлығы Саммитинин баша чатмасындан сонра ҝеҹә саатларында Макронун иштиракы илә Азәрбајҹан лидери Әлијевлә Ермәнистан Баш назири Пашинјанын даһа бир “гејри-формал” ҝөрүш баш тутуб вә онун ардынҹа Франса президенти бу ачыгламаны вериб.
Һәләлик тәрәфләрдән һеч бири Макрон-Әлијев-Пашинјан үчтәрәфли ҝөрүшүнүн тәфәррүаты барәдә мәлумат јајмајыб. Амма ајдындыр ки, мүһарибәнин нәтиҹәләринин арадан галдырылмасы вә вәзијјәтин сүлһ јолу илә һәллинин ахтарышы мәсәләләри мүзакирә олунуб.
Ән мараглы мәгам исә бир ҝүн сонра Јелисеј Сарајындан јајылан ачыглама олуб. Билдирилир ки, лидерләр мүзакирә олунан мәсәләләр барәдә нөвбәти дәфә данышмаг барәдә разылашыблар.
Мүшаһидәчиләр билдирирләр ки, Франсанын да мөвгеји ајдындыр вә Макронун Әлијев-Пашинјан ҝөрүшүнә тәшәббүсүндә проблемин һәллинә дејил, Ирәваны мүдафиә мәгсәди ҝүддүјү дә кимсәјә сирр дејил.
Јери ҝәлмишкән билдирәк ки, Франса президенти ијунун 23-дә Ермәнистанын баш назиринә парламент сечкиләриндә гәләбәси мүнасибәтилә јаздығы мәктубда Гарабағ мәсәләси вә һүгуги дөвләт гуруҹулуғу саһәсиндә Ермәнистана там дәстәк вермәјә һазырлығыны билдириб.
Макрон, һәмчинин Франсанын Гарабағ проблеминин “Ермәнистанын әрази бүтөвлүјү вә суверенлијинә һөрмәт” шәртилә һәллинә көмәк етмәјә дә һазыр олдуғуну вурғулајыб. О јазыб ки, реҝионда сијаси стабиллијин јеҝанә јолу АТӘТ-ин Минск Групу чәрчивәсиндә Гарабағ проблеми илә бағлы низамлама данышыгларынын бәрпасыдыр.
Гејд едәк ки, Гарабағ проблеминин Ермәнистанын әрази бүтөвлүјү чәрчивәсиндә һәллинә Франсанын неҹә көмәк едә биләҹәји бәлли дејил. Чүнки Гарабағ бејнәлхалг сәнәдләрдә Азәрбајҹанын тәркиб һиссәсидир вә Азәрбајҹанын әрази бүтөвлүјүнә аид мәсәләдир.
Бундан әлавә Франса дөвләт башчысы Азәрбајҹанла Ермәнистан арасында јаранмыш сәрһәд проблемләри илә әлагәдар Азәрбајҹаны "ишғалчы дөвләт" адландырмышды.
Азәрбајҹан һакимијјәти франсаны Гарабағ мүһарибәси заманы өзүнү јахшы апармамагда иттиһам едир.
342/
16 dekabr 2021 - 15:10
Xəbər kodu: 1209304
Франса президенти өз әнәнәсиндән кәнара чыхмаг истәмир. Еммануел Макрон Ермәнистанын јанында олдуғуну тәкрарлајыб.
