АБНА24 : ҹүмә ҝүнү Теһранын "Милад" гүлләсиндә Иран Ислам Республикасы вә Азәрбајҹан Республикасы арасында мүнасибәтләрин ҝүҹләндирилмәси јолларынын арашдырылмасы мөвзусунда Азәрбајҹанын Ирандакы сәфири Әли Әлизадә, еләҹә дә Иранын Азәрбајҹандакы сәфири Аббас Мусәвинин, һәмчинин Иранын Азәрбајҹандакы сабиг сәфирләри Мөһсүн Пакајин вә Әһәд Гәзаји, һабелә парламентин һазыркы вә кечмиш депутатларынын вә бир сыра игтисади вә сијаси фәалын иштиракы илә конфранс кечирилиб.
Бу ҝөрүшүн кечирилмәсиндә мәгсәд ики өлкә арасында әлагәләрин инкишаф етдирилмәси јолларыны арашдырмагдыр; Һансы ки, ҝөрүш иштиракчыларынын фикринҹә, диҝәр өлкәләрлә мүгајисәдә даһа чох бир-бирләри илә ган, мәдәни вә тарихи јахынлыглара маликдирләр.
Иранын Азәрбајҹан Республикасындакы сабиг сәфири Әһәд Гәзаји бу мәрасимдә чыхышы заманы сионистләрин реҝионда, хүсусилә дә Азәрбајҹан Республикасында нүфуз етмәк ҹәһдләринә тохунуб вә дејиб: "Һәгигәт будур ки, әтрафымызда һеч ким Теһранла Бакы арасында јахшы мүнасибәтләр истәмир вә бунун үчүн һәм техники саһәдә, һәм дә програм тәминаты үзәриндә ишләјирләр".
Иранын Азәрбајҹандакы сәфири Сејид Аббас Мусәви дә 13-ҹү һөкумәтин хариҹи сијасәтиндә гоншуларын приоритет олдуғуну билдириб вә бунунла бағлы Азәрбајҹан Республикасынын мөвгејини хүсуси дәјәрләндириб.
Мусәви һөкумәтләр сәвијјәсиндәки әмәкдашлыглара тохунараг, дејиб: "Амма ики өлкәни вә халгыны, хүсусән дә иш адамларыны бирләшдирән мәсәлә өзәл секторун иштиракы илә ики өлкәдә бирҝә вә бөјүк лајиһәләрин һәјата кечирилмәсидир".
Азәрбајҹан Республикасынын Теһрандакы сәфири Әли Әлизадә дә, Иранын өтән ил Гарабағ мүһарибәси заманы Азәрбајҹан Республикасына ҝөстәрдији дәстәјә ҝөрә тәшәккүрүнү билдириб вә өлкәсинин Иран ширкәтләрини мүһарибә нәтиҹәсиндә дағыдылмыш әразиләрдә јенидәнгурма лајиһәләриндә иштирак етмәјә дәвәт етдијини билдириб.
342/
12 dekabr 2021 - 11:41
Xəbər kodu: 1207828
Азәрбајҹан Республикасынын Теһрандакы сәфири Иран вә Азәрбајҹан арасында мүнасибәтләрин даһа да артырылмасы илә бағлы иҹласда чыхышы заманы Иран ширкәтләринин Азәрбајҹан Республикасынын ишғалдан азад едилмиш торпагларынын бәрпасында әмәкдашлыг етмәјә дәвәт олундуғуну билдириб.
