АБНА24 Хәбәр Верир, игтисадчы-експерт Рәшад Һәсәнов маашларын артырылмасы фонунда гијмәтләрин галхмасынын игтисадијјата тәсирләрини Полигон порталына шәрһ едәркән дејиб: “Маашларын артырлмасы илә јанашы гијмәтләрин артырылмасы игтисадијјатын сағламлашдырылмасы бахымындан доғру аддым дејил. Чүнки белә оларса, әһали ҹидди јохсуллуг тәзјиги илә үз-үзә галаҹаг. Бу да арзуолунан дејил. Ејни заманда бу игтисадијјатда әкс еффектләр јарадыр.”
Хатырладаг ки, Милли Мәҹлисин Әмәк вә сосиал сијасәт комитәсинин сәдри Муса Гулијев дејиб ки, ҝәлән ил әмәкһаггы орта һесабла 40-50 фаиз, пенсијаларын һәҹминдә орта һесабла 40-45 манат артым олаҹаг.
Онун сөзләринә ҝөрә, 2022-ҹи илдә тәгаүдләрин вә сосиал мүавинәтләрин бәзиләринин һәҹминдә ики дәфәјә јахын артымлар олаҹаг вә она ҝөрә дә баһалашма фонунда сосиал рифаһы горујан аддымлар да атылмалыдыр: “Милли Мәҹлисдә ҝедән бүдҹә мүзакирәләри заманы гејд олунду ки, ҝәлән илин биринҹи јарысында баһалашма тамамилә дајана биләр. Бу ил инфлјасија орта һесабла 8-10 фаиз һәҹминдә идисә, ҝәлән ил 3-4 фаизә гәдәр енә биләр вә бу, газанҹын хәрҹи үстәләмәси демәкдир”.
Бу елә бир һалдадыр ки, Тариф Шурасынын газ вә ишығын гијмәтинә дүзәлиш етмәси ады алтында онларын гијмәтини баһалашдырмасы, ејни заманда дөвләт рүсумларынын артырылмасы инсанларын ҝүзәранынын мүсбәтә доғру дәјишәҹәјини шүбһә алтында гојуб.
342/
9 dekabr 2021 - 16:33
Xəbər kodu: 1206919
Игтисадчылар хәбәрдарлыг едирләр; Азәрбајҹанда әһалинин ҝүзәраны чәтинләшә биләр.
