АБНА24 Хәбәр Верир,Һүсејн Әмир-Абдуллаһијан Инстаҝрам сәһифәсиндәки гејдиндә нојабрын 27-дә ИӘТ-ин 15-ҹи саммити чәрчивәсиндә азәрбајҹанлы һәмкары Ҹејһун Бајрамовла ҝөрүшүнә тохунуб вә билдириб ки, Иран гоншулары илә әлагәләрини ҝенишләндирмәјә давам едәҹәк.
Әмир-Абдуллаһијан ҝөрүшдә имзаланан һәртәрәфли сазиши нәзәрдә тутараг гејд едиб: "Ашгабадда ИӘТ-ин 15-ҹи саммити чәрчивәсиндә мәним Азәрбајҹанын хариҹи ишләр назири илә шәхси ҝөрүшүм олуб. Бу јахшы ҝөрүш үчүн һәр ики өлкәдә сон ики һәфтә әрзиндә зәминләр јарадылыб".
Иранлы назирин јаздығына ҝөрә, сазишин чәрчивәләри һәр ики өлкәнин марагларына ујғундур вә һәр ики президентин ирадәси мүнасибәтләри һәртәрәфли ҝенишләндирмәкдән ибарәтдир.
О гејд едиб ки, транзит, енерҝетика, туризм, мәдәнијјәт вә диҝәр саһәләрдә әмәкдашлыг разылашдырылыб вә икитәрәфли сазишә дахил едилиб.
"Ики өлкә бир-биринә јахшы гоншу, гоһум олмаг чәрчивәләрини ашыр. Азәрбајҹан президенти бизим гајғыларымызла бағлы үмидләндириҹи сөзләр дејиб вә бу, ҝәләҹәк аддымларын әсасыны тәшкил едир", дејә о вурғулајыб.
Иранын ХИН башчысы сонда јазыб ки, ики президентин ҝөрүшүндән бир ҝүн әввәл чох мүһүм сијаси, дипломатик мәсләһәтләшмәләр вә тәһлүкәсизлик мәсәләләри илә бағлы мәсләһәтләшмәләр апарылыб.
342/
1 dekabr 2021 - 08:16
Xəbər kodu: 1203984
Иранын хариҹи ишләр назири бу дөвләтин гоншулары илә әлагәләрини ҝенишләндирмәјә давам едәҹәјини вурғулајыб.
