АБНА24 Хәбәр Верир, Мәҹид Тәхте-Рәванчи БМТ Баш Ассамблејасында Тәһлүкәсизлик Шурасында ислаһатлар барәдә белә сөјләјиб: Тәһлүкәсизлик Шурасынын фәалијјәтинин дәјәрләндирилмәси ҝөстәрир ки, онун һәддән артыг фајдасызлығы, етибар вә леҝитимлик бөһранынын јаранмасы вә бу органа әминлик вә етимадын ҹидди шәкилдә азалмасы илә нәтиҹәләниб, һәмчинин онун ислаһ едилмәсини гачылмаз едибдир.
Иран Ислам Республикасынын БМТ-дәки баш дипломаты сонра белә дејиб: Тәһлүкәсизлик Шурасында ислаһат просесинин јекун һәдәфи, онун бүтүн һазыркы сәмәрәсизликләри вә проблемләринә бахылмасы вә шуранын һәгигәтән тәсирли, шәффаф, ҹавабдеһ вә һәр шејдән өнҹә, ганун меһвәрли бир органа чеврилмәси олмалыдыр.
Тәхте-Рәванчи белә әлавә едиб: Биз шурадакы мүхтәлиф бөлҝәләрин нүмајәндәләринин һүзурунда мөвҹуд бәрабәрсизликләрин арадан галдырылмасы үзрә бир аддым кими онун үзвләринин артырылмасыны һимајә едирик, лакин бу аддымы өзү-өзлүјүндә мүстәгил бир һәдәф һесаб етмирик.
Иранын БМТ-дәки сәфири вә даими нүмајәндәси сонра белә сөјләјиб: Һәрчәнд һал-һазырда шура үзвләринин артырылмасы вә бу аддымын шуранын ислаһы вә кәсәрлилији параметри кими тәгдим едилмәси үзәриндә даһа артыг тәмәркүзләшмә үзрә сәјләр мөвҹуддур, лакин шура үзвләринин чохалдылмасы барәдәки бәһс, диҝәр мәсәләләрә диггәтсизлик баһасына давам едә билмәз.
Тәхте-Рәванчи белә вурғулајыб: Тәһлүкәсизлик Шурасында ислаһатлар әһатәли бир просес кими нәзәрдә тутулмалыдыр вә онда, һәр беш әсас мөвзу фәрзијјәјә әсасән арашдырылмалы, там шәкилдә вә бир-бирилә бағлы олан бир мәҹмуә формасында нәзәрдән кечирилмәлидир. Буна ҝөрә, сечимли мүнасибәтләрин тәјин едилмәсиндән чәкинилмәлидир.
Иранын БМТ-дәки сәфири вә даими нүмајәндәси даһа сонра белә гејд едиб: Иран Тәһлүкәсизлик Шурасында “әдаләтли нүмајәндәлиј”ин тәмин едилмәсинә бөјүк өнәм версә дә бу мәсәләни бу органын сәмәрәлилијини јахшылашдырмаг үчүн јетәрли һесаб етмир.
О, әлавә едиб: Һал-һазырда Гәрб Тәһлүкәсизлик Шурасында ҝүҹлү иштирак вә нүфуза маликдир вә үч Гәрб өлкәсинин вето һаггы да вар. Белә бир һалда, диҝәр ҹоғрафи бөлҝәләр, һәм шурадакы үзвләрин сајы бахымындан, һәм дә вето да дахил олмагла саир имтијазлара малик олмаг ҹәһәтдән, гејри-бәрабәр бир вәзијјәтдәдирләр. Бу, бөлҝәләр арасында бәрабәрсизлик демәкдир.
/342
18 noyabr 2021 - 04:38
Xəbər kodu: 1199634
Иранын БМТ-дәки сәфири вә даими нүмајәндәси дејиб ки, БМТ Тәһлүкәсизлик Шурасынын ихтијарлары һәдди-һүдудсуз вә ганундан јухары дејил. Билдириб ки, бу шура үрәји истәјән кими вә ја бејнәлхалг һүгуглара мәһәл гојмадан аддым ата билмәз.
