Л.Абдуллајева Иранла сәмәрәли фикир мүбадиләсиндән јазды

АБНА24 Хәбәр Верир, Лејла Абдуллајева бу барәдә өз Тwиттер һесабында билдириб: "Икитәрәфли әлагәләрдәки сон вәзијјәти, хүсусилә дә медиа вә халг дипломатијасы саһәсиндә ики өлкә Хариҹи Ишләр Назирликләринин јахындан әмәкдашлыг етмәсини мүзакирә етдик."

Гејд едәк ки, өтән ајыарда јаранмыш анлашылмазлыгларын ардынҹа Иран Ислам Республикасы илә Азәрбајҹан рәсмиләри арасында тәмаслар јенидән интенсивләшиб.

Иран тәрәфи һесаб едир ки, гоншу өлкәләр арасындакы фикир ајрылыгларынын, проблемләрин данышыгла, кәнар гүввәләрдән тәсирләнмәдән арадан галдырылмасы мүмкүндүр. Бу, онларын марагларыны тәмин етмәклә јанашы, дүшмәнләрин тәхрибат вә планларынын гаршысыны да алыр.

Иран Ислам Республикасы һәр заман динҹ јанашы јашамаг, гоншуларынын суверенлик һүгугуна һөрмәтлә јанашылмасы принсипиндән чыхыш едиб. Бу мәнада о, һәртәрәфли әлагәләри инкишаф етдирмәк үчүн әлиндән ҝәләни әсирҝәмәјиб. Мәсәлән, Ермәнистанла Азәрбајҹан Республикасы арасында бир заманлар ишғал алтында олмуш Гарабағ бөлҝәсиндә баш вермиш сон мүһарибәдә Теһран конструктив мөвге сәрҝиләјиб. Рәсми Теһран мүнагишәнин динҹ јолла һәлл олунмасы истигамәтиндә дипломатик данышыгларын апарылмасына чағырыш едиб, ишғал едилмиш бүтүн әразиләрин Азәрбајҹана гајтарылмасынын ваҹиблијини вурғулајыб.

Иран рәсмиләринин бу јанашмасы ортаг дәјәрләрә вә нәтиҹә етибары илә сүлһә әсасланыр. Амма бу јанашма бәзән реҝионда сабитлији позмаға чалышан бәзи бәдхаһларын шәр әмәлләри вә мүдахиләси нәтиҹәсиндә анлашылмазлыглара да сәбәб олур.

Бунунла белә сон ҝүнләр тәрәфләрин сајыглығы, мөвҹуд ҝәрҝинлији азалтмаг үчүн атдыглары бирҝә аддымлар ики өлкә арасындакы гәдим исти мүнасибәтләрин бәргәрар олмасы үчүн әлверишли шәраит јарадыб.

Хатырладаг ки, Иранын хариҹи ишләр назири Һүсејн Әмир-Абдуллаһијан илә онун азәрбајҹанлы һәмкары Ҹејһун Бајрамов арасында апарылан сон телефон данышығы заманы онлар наразылыгларын арадан галдырылмасынын сүрәтләндирилмәси мәгсәдилә бир-бирини тамамлајан аддымларын чох ваҹиб олдуғуну вурғулајыблар.

Һәтта иранлы назир өз “Тwиттер” һесабында јазыб ки, ики дөвләт вә халг арасында мүнасибәтләр гаршылыглы һөрмәтә әсасланараг инкишаф едәҹәкдир”.

342/