АБНА24 Хәбәр Верир, һиҹри-гәмәри тәгвими илә сәфәр ајынын 28-и Һәзрәт Мәһәммәд пејғәмбәрин (с) вәфаты вә икинҹи имам Һәзрәт Һәсән ибни Әлинин (ә) шәһид едилән ҝүнүдүр.
Һәзрәт Пејғәмбәр һиҹрәтин 11-ҹи илиндә 2 һәфтә давам едән хәстәликдән сонра сәфәр ајынын 28-дә Мәдинә шәһәриндәки евиндә дүнјасыны дәјишиб
Аллаһын сонунҹу рәсулу илаһи пејғәмбәрлик вәзифәсини 23 ил дашыјыб вә бу мүддәтдә Аллаһын она вәһј етдији Гурани-кәрими, Ислам динини инсанлара чатдырыб. О, илаһи дини камил шәкилдә инсанлара чатдырараг, Аллаһ гаршысында бәһанә ҝәтирилмәсинә сон гојуб. Бундан сонра һеч кәс вә һеч бир зүмрә "бизә дејилмәјиб, биз ешитмәмишик" кими бәһанәләри ҝәтирәрәк, Аллаһын тәјин етдији мәсулијјәтләрдән гача биләҹәјини иддиа едә билмәз. Хүсусилә Һәзрәт Мәһәммәдин (с.ә.с) һәјатынын сон ҝүнләриндә ики мүһүм әманәт - Гурани-кәрим вә Әһли-бејт барәдә билдирдији төвсијәләр, етдији сифаришләр бүтүн мүсәлманлар тәрәфиндән ешидилиб вә гәбул едилиб. Бу төвсијәләрдән бојун гачыранлар исә јалныз инадкарлардыр.
Имам Һәсән дә (ә) Һәзрәт Пејғәмбәрдән 39 ил сонра ејни ҝүндә - сәфәр ајынын 28-дә зәһәрләнәрәк шәһид едилиб. Бу һадисә һиҹрәтин 50-ҹи илиндә баш вериб. Әслиндә пејғәмбәрин бәшәријјәт үчүн әманәт гојуб ҝетдији Ислам дининин һансы мүсибәтләрә дүчар олмасынын ән бөјүк шаһидләриндән бири дә Имам Һәсән(ә) олуб. Имам Һәсән (ә) атасы Имам Әлидән (ә) сонра Ислам динини тәһрифдән горумаг уғрунда даим мүбаризә апарыб вә елә бу јолда шәһид олуб.
342/
5 oktyabr 2021 - 07:06
Xəbər kodu: 1185967
Бу ҝүн Ислам Пејғәмбәри Һәзрәт Мәһәммәдин (с.ә.с) вәфаты вә Имам Һәсәнин (ә) шәһид едилдији ҝүндүр.
