АБНА24 Хәбәр Верир, депутат Иран Ислам Республикасы илә бағлы гәрәзли мөвгејини әсасландырмаг үчүн дејиб ки, Азәрбајҹанын Иранла достлуг сәјләринә бахмајараг ҝуја Иранын Азәрбајҹана вә азәрбајҹанлылара мүнасибәти дәјишмир. Иран дүшмән елан етдији Исраилә өз әразисиндән јүк дашынмасына јәгин ки, имкан вермәз. Ејни иши Азәрбајҹан да ҝөрмәлидир. Она ҝөрә дә Губадлыдан Иран машынларынын Ермәнистана кечидинә вә јүк дашымасына иҹазә верилмәмәлидир. Дипломатик каналларла Иранын диггәтинә чатдырылмалыдыр ки, онун бирбаша вә долајысы јолла Азәрбајҹанда етник сеператизми дәстәкләмәси 30 милјон Азәрбајҹанлы түркүн вә чохлу диҝәр милләтләрин јашадығы Иранын әрази бүтөвлүјүнә вә һәмин өлкәдә сијаси сабитлијә јахшы һеч нә вәд етмир.
Гејд едәк ки, Азәрбајҹан Милли Мәҹлисиндә тәмсил олунан бир партија сәдринин Ирана гаршы иттиһамлары тамамилә әсассыздыр, чүнки рәсми Теһран ермәни сепаратизмини һеч бир вәҹһлә дәстәкләмир, әксинә өлкәнин алимәгамлы Рәһбәри сәвијјәсиндә гоншу дөвләтин әрази бүтөвлүјүнүн бәрпасыны мөһкәм һимајә едиб вә мүһарибә вахты она сијаси дәстәк дә дахил һәр ҹүр јардым ҝөстәрибдир. Бу исә Азәрбајҹан президентиндә бөјүк мәмнунлуг доғуруб.
Диҝәр тәрәфдән депутатын долајы јолла Иран азәриләрини Гарабағ ермәниләринә бәнзәтмәси вә онларда сепаратчылыг руһијјәсинин олдуғуну ашыламасы мәзһәкәдән башга бир шеј дејилдир. Гарабағ ермәниләриндән фәргли олараг, Иран азәриләриндә милли вәтәнпәрвәрлик әһвал-руһијјәси јүксәк һәддәдир вә онлар тарих боју, хүсусилә дә Ислам Ингилабынын гәләбәсиндә вә Мүгәддәс Мүдафиә дөнәминдә Иранын әрази бүтөвлүјү вә суверенлији уғрунда мисилсиз ҹанфәшанлыг ҝөстәрмишләр. Бу сәбәбдән депутатын дедикләриндә һеч бир мәнтиг јохдур.
Бүтүн бунлары нәзәрә алараг, Азәрбајҹан һакимијјәтиндән ики өлкә мүнасибәтләрини позмаға чалышан гүввәләрә өз јерләрини ҝөстәрмәси тәвәгге едилир.
Иран тәрәфи һесаб едир ки, Азәрбајҹан дөвләти реҝионда сәрбәст тиҹарәтә мане олмамагла јанашы, дахилдки АХҸ-Мүсават мәнсубларынын тәхрибатларына имкан вермәмәлидир. Зира һазыркы риторика нәзарәтдән чыхарса, реҝионал әмәкдашлығын инкишафы, ејни заманда Азәрбајҹанла Ермәнистан арасында етимад мүһитинин јаранмасы тәһлүкә илә үзләшәҹәк вә нәтиҹә етибары илә Ҹәнуби Гафгазда сүлһ әлчатмаз олаҹагдыр.
Бу шәраитдә Илһам Әлијев һөкумәти сечим гаршысында галыр, ја 1990-ҹы илләрин әввәлләриндә јениҹә мүстәгиллијини бәрпа етмиш Азәрбајҹаны фәлакәтлә үзләшдирән вә ашыры милләтчилик шүарлары илә гоншу дөвләтләри инҹик салан АХҸ-Мүсават ҹүтлүјүнүн һәнҝамәсинә тәслим олмаг, ја да вахт итирмәдән Азәрбајҹанын милли мараглары наминә доғру вә дүзҝүн сијасәт әсасында Иран Ислам Республикасына гаршы гара-пиарын гаршысыны алмаг вә сифаришлә ишләјән сијасәтчиләрин гәрәзли һәрәкәтләринә, һабелә дүшмәнин дәјирманына су төкмәләринә мане олмаг, онлары ҹиловламаг. Икинҹи јол һеч шүбһәсиз Азәрбајҹан үчүн чох мәгбул оларды.
Әлбәттә ки, Иран дөвләти Гүдрәт вә диҝәрләринин шаблон бәјанатларына мәһәл гојмадан Азәрбајҹан халгыны бундан сонра да мүдафиә едәҹәк, онун гајғысыны чәкәҹәкдир. Азәрбајҹан дөвләти илә ән јахын вә стратежи әлагәләрин гурулмасы вә ишғалдан азад едилмиш әразиләрин бәрпасына јардым ҝөстәрмәси Теһранын ҝүндәминдә олан мәсәләләрдир.
342/
20 sentyabr 2021 - 08:55
Xəbər kodu: 1181585
БАХҸП сәдри, депутат Гүдрәт Һәсәнгулијев Иранын Ермәнистанла рәсми тиҹарәтини әнҝәлләмәк үчүн һакимијјәтә јол ҝөстәриб.
